“ძალიან დიდი ხანია, ჟურნალისტი ვარ და ყოველთვის ყველა ხელისუფლების მიმართ კრიტიკულად ვარ განწყობილი, რადგან ჟურნალისტის მოვალეობა სწორედ ეს არის, მაგრამ წითელი ხაზი არასოდეს გადამიკვეთია და შვილებს არასოდეს შევხებივარ.
“ოცნებას” ჩემგან კრიტიკა არასოდეს დაკლებია, არც მაშინ, როცა იგივე ანა ნაცვლიშვილი მაინცდამაინც არ აქტიურობდა, მაგრამ ის, რაც ამ ქალბატონმა დღეს იკადრა პარლამენტის ტრიბუნიდან, ამაზრზენი იყო – პოლიტიკური დებატების დროს პრემიერის შვილს შეეხო.
შვილები ხელშეუხებლები არიან, ეს ყველამ უნდა დაამახსოვროს! ისე, ოპოზიციას ვეკითხები, ოცნებას იგივე, რაც ნაცვლიშვილმა იკადრა, სააკაშვილის შვილის მისამართით რომ ეთქვა, გაჩუმდებოდით? არა, ხო? ახლა რატომ დუმხართ? ამოიღეთ ხმა!
პოლიტიკა, რომ ბინძურია, ეს ამბავი სამყაროსავით ძველია, მაგრამ ამის მიუხედავად, პოლიტიკაშიც არსებობს ე.წ. “წითელი ხაზები”, რომელთა გადაკვეთასაც, ყველა შეგნებული ადამიანი, თავს მაქსიმალურად აარიდებს.
ერთ-ერთი ასეთი, “წითელი ხაზის” შვილია, ანუ, არსებობს ერთგვარი, “დაუწერელი კანონი”, რომ ოპონენტები ერთმანეთის შვილებს და ასევე, ოჯახებს არ ეხებიან, თუმცა, პრემიერის საპარლამენტო ანგარიშის დროს, ეს “წითელი ხაზი” ანა ნაცვლიშვილმა უხეშად გადაკვეთა. მან, იერიში პირდაპირ, ირაკლი ღარიბაშვილის შვილზე მიიტანა.
ზოგადად, პლიტიკოსი, მით უმეტეს, ქალბატონი, რომელსაც შვილები ჰყავს, ასეთ უმსგავსობას არ უნდა ჰკადრულობდეს, ფაქტია ოპოზიცია “გაკოტრებულია” და ამის გამო ისეა გაცოფებული, რომ ყველაფერზე შეუძლიათ წასვლა! ძალიან “ტეხავს”
ალბათ, მოვა დრო და ანა ნაცვლიშვილი საკუთარ უკეთურობას მიხვდება, მაგრამ უკვე გვიანი იქნება, რადგან ნათქვამი სიტყვაც, გასროლილი ტყვიასავითაა, რომელსაც უკან ვერ დააბრუნებ!
ახლა გინდ ქოცი მეძახეთ და გინდა ნაცი. შვილი ხელშეუხებელია!” _ წერს ჟურნალისტი ბერდია კალანდია.
ინფორმაციისთვის, დღეს პრემიერ-მინისტრს წლიური მოხსენების წარდგენისას პარლამენტში პარტია ლელო – საქართველოსთვის წევრმა ანა ნაცვლიშვილი ირაკლი ღარიბაშვილის შვილებს შეეხო:
“ზიზღის ერთ-ერთი ობიექტი დღეს აქ ჩემი კოლეგები და რამდენიმე ჯგუფი გახდა. ლგბტ თემაზე აღარ დასრულდა თქვენი მხრიდან პროპაგანდისტული გზავნილები. ძალიან მიხარია, რომ თქვენი შვილი შეერთებულ შტატებში ისწავლის, იქნებ მან მაინც შემდეგ აგიხსნათ რას ნიშნავს თავისუფალი სამყარო. მე ვნახე, რომ თქვენი შვილი პენსილვანიის უნივერსიტეტში გააგრძელებს სწავლას, მიხარია ნამდვილად და ბევრ ახალგაზრდას ვუსურვებ ამის შესაძლებლობას, დამსახურებულად ცხადია. იცით თუ არა, რომ პენსილვანიის უნივერსიტეტი ამერიკის შეერთებულ შტატებში ლგბტ საკითხების მიმართ ერთ-ერთი ყველაზე მეგობრულია, ხო არ გეშინიათ, რომ თქვენს შვილს გადაიბირებენ იქ? ან რამე ზონდირებას მოახდენენ? არ გიფიქრიათ ამაზე?” _ თქვა ნაცვლიშვილმა.
