საქორწინო მოგზაურობა ახალგაზრდებისთვის ცხოვრების მნიშვნელოვანი ეტაპია. ამიტომაც რომანტიკული მოგზაურობის დაგეგმვას მეტი პასუხისმგებლობით უნდა მოეკიდოთ. ცუდი არ იქნება, თუ ასტროლოგებთანაც გაივლით კონსულტაციას.
წყვილი ცეცხლი – ცეცხლი. აქ ვნებები ბობოქრობს და ისე წვავს, თითქოს მზის ცენტრში იმყოფებოდეთ. თუ თქვენი წყვილი ქორწინებამდე მივიდა, მაშინ ახლა გაგრილება არ გაწყენდათ. ცხელი ტროპიკული კუნძულები ან გავარვარებულ ინდოეთში გამგზავრება არ გამოგადგებათ. აირჩიეთ მთის ზურმუხტისფერი ტბის სანაპირო, სადაც უბერავს გრილი სიო და სადაც ღრუბლებთან და ვარსკვლავებთან ახლოს იქნებით – ასე თქვენი წყვილის ენერგია დაბალანსდება და სამომავლოდ ჰარმონიულ ურთიერთობას დაედება საფუძველი.
წყვილი ცეცხლი – ჰაერის შემთხვევაში პოტენციური პრობლემები მინიმუმამდეა დაყვანილი. თქვენ ცულის ტარზეც ბედნიერად იცხოვრებდით. თუმცა ცეცხლი ჰაერის გარეშე ვერ იგიზგიზებს, ამიტომაც ჰაეროვან პარტნიორს ესაჭიროება ენერგიის ზღვა. ასე რომ, თქვენი წყვილისთვის საუკეთესო იქნება საქორწინო მოგზაურობის გატარება იახტაზე, ოკეანის, ტბის, ზღვის ან მდინარის სანაპიროზე – რომელიც გინდათ. მთავარია, იყოს დიდი სივრცე. ასეთი წყვილისთვის არ არის რეკომენდებული დახურული სასტუმროები, მყუდრო, ჩაკეტილი ქალაქები.
წყვილი ცეცხლი – წყალი იმთავითვე წინააღმდეგობით სავსეა, მათ შორის გამუდმებული ბრძოლაა: ვინ ვის აჯობებს? თუმცა თქვენი წყვილის შემთხვევაში სიყვარულმა გაიმარჯვა და თქვენ მიემგზავრებით… რომანტიკულ შუა საუკუნეებში! საფრანგეთის ან შოტლანდიის, იტალიისა და ავსტრალიის ციხესიმაგრეებთან. რომანტიკული რაინდების ხანის გარემო და ბავშვობის საყვარელ ზღაპრებში დაბრუნება ყველა პრობლემას გაანეიტრალებს და პოზიტიური ენერგიით დიდი ხნით დაგმუხტავთ. ჰო, და კიდევ… თქვენი წყვილისთვის კარგი იქნება, თუ მომავალშიც გაიმეორებთ საქორწინო ტურებს, რათა გაანეიტრალოთ და შეარბილოთ გარდაუვალი ურთიერთწინააღმდეგობა.
წყვილს ცეცხლი – მიწა არ ჰყოფნის წყალი. ამიტომაც კარგი იქნება, თუ ისინი მოგზაურობას ვენეციაში ან ოკეანიის რომელიმე კუნძულზე მოაწყობენ, ეს მათ კავშირს პოზიტიური ენერგიით დამუხტავს. ნიაგარის ჩანჩქერი ახალგაზრდა ოჯახს სიცოცხლისუნარიანობით აავსებს, რაც ძალიან ბევრი წელი გაჰყვება მათ. ხოლო თაფლობის თვის შემდეგ რეკომენდებულია, სახლში პატარა შადრევანი მოაწყონ ან მინიმუმ, აკვარიუმში თევზები მოაშენონ.
წყვილი ჰაერი – ჰაერი ინტუიციურად მიაგნებს თავის ადგილს და არავის რეკომენდაციებს ყურადღებას არ მიაქცევს. და მართალიც იქნება! ძველი პრაღის ან ტიბეტის მთის ბილიკები, უახლოესი მდინარის სანაპირო ან სასტუმრო თურქეთში – შეგიძლიათ ამოირჩიოთ ნებისმიერი, თქვენ ხომ საკმაოდ დამოუკიდებლები და დემოკრატიულები ხართ. სწორედ ამიტომ თქვენი ურთიერთობა ყოველთვის მეგობრული და მსუბუქი იქნება.
წყვილს ჰაერი – წყალი არ ჰყოფნის ცეცხლი. ისინი არ არიან ჩაციკლულები ერთმანეთზე. მათთვის კარგი იქნება ისტორიული ტური: ეგვიპტე ან ინდოეთი, იაპონია ან საბერძნეთი – ერთი სიტყვით, სადაც გინდათ, იქ გაემგზავრეთ, ოღონდ იყოს ცხელი მზე და შეძლოთ შეეხოთ სიძველეებს.
ტანდემი ჰაერი – მიწა არაჩვეულებრივად იგრძნობს თავს საფარიზე ან სხვა ეგზოტიკურ ადგილას. ტარანტელა ესპანეთში ან ლამბადა ბრაზილიაში – საოცარ ემოციებს შეიტანს ამ კავშირში.
პარტნიორები წყალი – წყალი – რომანტიკოსები და მეოცნებენი არიან. ამ წყვილს არ სჭირდება ზედმეტი ეგზოტიკა, ისინი ხომ მას საკუთარ ფანტაზიებშიც პოულობენ. ისინი გაურბიან ხმაურიან ადგილებს, ამიტომაც მათთვის რეკომენდებულია ცივილიზაციას მოწყვეტილი, პირველქმნილი სახით შემორჩენილი ადგილები, სადაც არის მინერალური წყალი, სამკურნალო ტალახები და სხვა. გამოდგება ისრაელი და შვეიცარია, ახალი ზელანდია ან სეიშელის კუნძულები.
წყვილი წყალი – მიწა უპირატესობას ანიჭებს კომფორტსა და ფუფუნებას. მათთვის შესაფერისია მაღალმთიანი ალპები. ასევე, შეუძლიათ აღმოაჩინონ ათასი ტბის ქვეყანა, ფინეთი ან ეწვიონ იდუმალებით მოცულ ტიბეტის მთიან რაიონს, სადაც აშკარად იგრძნობენ ენერგეტიკულ პოზიტივს.
მიწა – მიწა: ვთბებით, ვცურავთ და ვსუნთქავთ სუფთა ჰაერს. მთავარია, რომ ამ წყვილმა თავიდანვე არ დაზოგოს თანხა და არ გაიფუჭოს დღესასწაული. მათთვის კარგი იქნება კეთილმოწყობილი კურორტები, სადაც იქნება სხვადასხვა გასართობი: ტურები, ექსკურსიები, დისკოთეკები და ატრაქციონები. ამ წყვილისთვის რეკომენდებულია დიდი ბრიტანეთის, ცენტრალური ამერიკისა და ავსტრიის ქალაქები.
ავტორი
