ედ შირანის კონცერტიდან 17 ადამიანი საავადმყოფოში გადაიყვანეს. ამის მიზეზი ძლიერი სიცხე გახდა.
ცნობისთვის, ედ შირანს კონცერტი პიტსბურგის Acrisure Stadium-ზე ჰქონდა. ღონისძიებაზე სასწრაფო სამედიცინო დახმარების გამოძახება 37-ჯერ გახდა საჭირო, 17 შემთხვევაში კი ექიმებმა პაციენტები კლინიკაში გადაიყვანეს. კლინიკაში გადაყვანილ პირებს შორის შოუზე მომუშავე 2 ადამიანია. ორივე ადამიანს გული გაუჩერდათ.
ამერიკის კარდიოლოგიის აკადემიის თანახმად, გულის გაჩერება შეიძლება განვითარდეს, როგორც სითბური ინსულტის გართულება. 2022 წელს გამოქვეყნებულმა კვლევამ ჟურნალში CJC Open აღნიშნა, რომ კლიმატის ცვლილების გამო მთელ მსოფლიოში ტემპერატურა იზრდება, სავარაუდოა, რომ ადამიანები უფრო მეტ სტრესს განიცდიან გულ-სისხლძარღვთა სისტემაზე, ხოლო გულ-სისხლძარღვთა დაავადებების მქონე პირებს შეიძლება ჰქონდეთ სითბური ინსულტის გაზრდილი რისკი.
“ცხელ ამინდში გარეთ ზედმეტად დიდი დროის გატარებამ შეიძლება გამოიწვიოს სითბური ინსულტი, რაც ყველაზე სერიოზული სიცხესთან დაკავშირებული დაავადებაა“,- ამბობენ აშშ-ს დაავადებათა კონტროლისა და პრევენციის ცენტრში.
