სამოქალაქო აქტივისტი ლუი ორაგველიძე, რომელიც გურიაში დატრიალებული ტრაგედიის შემდეგ, დამეწყრილ, განადგურებულ სოფლებში დადის და თავის გუნდთან ერთად, სასიცოცხლოდ მნიშვნელოვანი პროდუქტები ჩააქვს, სოციალურ ქსელში პოსტს ავრცელებს.
“სტიქიის დღიდან მოყოლებული ძალიან დათრგუნული ვარ … მაგრამ გუშინდელმა სურათმა კიდევ უფრო დამთრგუნა და დამაფიქრა ყველაფერზე.
ის სურათი რაც დაგვხვდა მე და ჩემს მეგობრებს ეს იყო ენით აუღწერელი გულის ტკივილი …. ისე წამოვედით გზაზე არც დავკონტაქტებივართ ერთმანეთს ….ყველა ფიქრმა გაგვიტაცა…
ნეტავ საიდან მოდიან, ან სად მიდიან ხოლმე ნაადრევად შეწყვეტილი პატარა, ლამაზი სიცოცხლეები…
ვიცით, რომ ღმერთთან ურჩევნიათ, ალბათ იქ უფრო თბილად არიან, უშიშრად და უსაფრთხოდ ძინავთ ვიდრე აქ, დედამიწაზე….
არასოდეს რომ არ ახსოვს ლანჩხუთს ისეთი სტიქია დაატყდა წელს და თან გაიყოლა ბრიალათვალება, სიცოცხლით სავსე პატარა ვაჟკაცები . იმედია, ეს დიდი გადანაცვლება სამყაროდან სამყაროში ვერც გაიგეს…
…. იმედია არაფერი ეტკინათ…
ჩვენ კი დაგვიტოვა უამრავი კითხვა, რომელზეც პასუხები არც კი ვიცით…..
ნეტავ, ჩვენზე რას ეტყვის უფალი მათ…”, _ წერს ლუი ორაგველიძე.
