“ერთმანეთს სცემეს და ესროლეს” _ სპეცოპერაცია და პოლიციელების კრიმინალური გარჩევა

ნოდარ მელაძის შაბათი” ავრცელებს ექსკლუზიურ ვიდეო-მასალა, სადაც შინაგან საქმეთა სამინისტროს ბოსების შეტაკებაა ასახული. 

გამომძიებელი ჟურნალისტების მიერ მოპოვებული კადრებით პირდაპირ დასტურდება, რომ გომელაურის უწყების პირველი  პირები შუა საგამოძიებო მოქმედებების დროს ერთმანეთს ფიზიკურად უსწორდებიან, თუ კი მიმდინარე სპეცოპერაცია მათ პირად ინტერესებს კვეთს.

დადგენილია, რომ 2022 წლის 16 დეკემბერს, თბილისის  ცენტრში, აღმაშენებლის 114-ში, ნარკოტიკების წინააღმდეგ ბრძოლის სამმართველოს საგამოძიებო ჯგუფი რუსეთში მოღვაწე ბიზნესმენის და ნარკოდილერის, დავით დადიანს   ავტორბოლის ამოსაღებად და  ჩხრეკის ჩასატარებლად მივიდა. პოლიციას ეჭვი ჰქონდა, რომ დავით დადიანი, რომელიც უკვე დაკავებული იყო დიდი რაოდენობით ნარკოტიკს შავ მანქანაში მალავდა.  ადგილზე მისულ სამართალდამცავებს  იქ ნარკოდილერის ნაცნობები: გიორგი გერსამია და ბაჩი გამეზრადაშვილი  დახვდნენ. ისინი პოლიციამ ავტომობილში ჩასვა და გამოკითხვაზე გადაყრას აპირებდა, რასაც ხმაური მოყვა.

ნარკომანიასთან ბრძოლის სამმართველო ნარკოდილერის მანქანის ჩხრეკას იწყებდა, როდესაც ეზოში მოულოდნელად თბილისის დეტექტივების  V სამმართველოს უფროსის მოადგილე გიორგი პირველაშვილი ჩნდება, წესით პირველაშვილს ადგილზე არაფერი ესაქმება. სპეცოპერაციას სრულიად სახვა დანაყოფი ატარებს, კადრებში ჩანს, რომ ადგილზე პირველაშვილი საქართველოს პატრიარქის ყოფილ პირად მცველთან, ლადიკო ჩოჩიშვილთან ერთად მიდის.

კადრებში ჩანს, რომ მეხუთე სამმართველოს შეფი, ეზოში შესვლისთანავე მის კოლეგა პოლიციელებს არ ელაპარაკება. მანქანაში მყოფ ბიზნესმენთან მიდის და მათთან გასაუბრებას ცდილობს. ამის შემდეგ კი იწყებს გარკვევას, ვინ ატარებს სპეცოპერაციას. ადგილზე პირველაშვილს ნარკოტიკების წინააღმდეგ ბრძოლის სამმართველოს უფროსი ლაშა თავაძე ხვდება.

“შაბათის ეთერის” მიერ მოპოვებული კადრებით დგინდება რომ გიორგი პირველაშვილის კითხვებმა ნარკოტიკების წინააღმდეგ  ბრძოლის სამმართველოს  თანამშრომლების უკმაყოფილება გამოიწვია – ის საგამოძიებო მოქმედების ჩაშლის მცდელობაში დაადანაშაულეს და ტერიტორიის დატოვება მოსთხოვეს. ამ დროს იწყება პირველი  სიტყვიერი დაპირისპირება ლაშა თავაძეს და პირველაშვილს შორის.

სიტყვიერი დაპირისპირება გომელაურის უწყების  მაღალჩინოსნებს შორის რამდენიმე წუთის განმავლობაში გრძელდება, თუმცა ვითარება უკიდურესად 00:02 საათზე იძაბება, როდესაც პირველაშვილი ნარკოტიკებთან ბრძოლის სამმართველოს უფროსს ლაშა თავაძეს სავარაუდოდ აგინებს, თავაძე კი მისი მიმართულებით ანთებულ სიგარეტს ისვრის.

ამის შემდეგ პოლიციის მოქმედი მაღალჩინოსნები ერთმანეთს ფიზიკურად უსწორდებიან. ვითარება უკონტროლო ხდება, ყველას იარაღი აქვს, ამიტომ “მელაძის შაბათის” ინფორმაციით, ნარკოტიკების წინააღმდეგ ბრძოლის სამმართველოს უფროსის  მოადგილე, გიორგი ზუბადალაშვილი იძულებულია, გაისროლოს და გომელაურის უწყების ერთმანეთთან დაპირისპირებული შეფები ასე გააჩეროს. გამაფრთხილებელი გასროლა, თავდასხმას ვერ აჩერებს, პოლიციის პირველი პირები ერთმანეთს წიხლებს და მუშტებს გამეტებით ურტყამენ, მათ გაშველებას ეზოში შეკრებილი ქალები ცდილობენ.

საბოლოოდ, შინაგან საქმეთა სამინისტროს მეხუთე განყოფილების შეფს გიორგი პირველაშვილს ნარკომანიასთან ბრძოლის სამმართველოს თანამშრომლებმა იარაღი წაართვეს და უკან აღარ და დაუბრუნეს. რასაც მასსა და გიორგი ზუბადალაშვილს შორის ახალი დაპირისპირება და გინება მოჰყვა.

გიორგი პირვლაშვილს საბოლოოდ, 40 წუთიანი ჩხუბის გინების და ცემის შემდეგ,  პოლიციამ შემთხვევის ადგილი  დაატოვებინა, თუმცა ეზოდან გასვლამდე პოლიციის მაღალჩინოსანმა და ნარკოტიკების წინააღმდეგ ბრძოლის სამმართველოს უფროსმა კიდევ ერთხელ იჩხუბეს და ერთმანეთს აგინეს. საბოლოოდ, პოლიციამ ნარკოტიკების რეალიზმისთვის გასამართლებული რუსი ბიზნესმენის, დავით დადიანის ავტომობილში ჩხრეკა ჩაატარა.

• ჩნდება კითხვა, რა ინტერესი ჰქონდა შინაგან საქმეთა სამინისტროს მეხუთე სამმართველოს შეფს, გიორგი პირველაშვილს, რის გამოც ცნობილი ნარკორეალიზატორის წინააღმდეგ მიმდინარე სპეცოპერაციის ჩაშლას ცდილობდა.  

ვინ არის ნარკოდილერობაში ბრალდებული რუსეთში მოღვაწე ბიზნესმენი,  დავით  დადიანი და რა კავშირები აქვს პოლიციელ გიორგი პირველაშვილთან?  “შაბათის ეთერის” ინფორმაციით, დადიანმა გვარი ცოტახნის წინ შეიცვალა, ის მანამდე დავით ლაბაძე იყო, ცხოვრობდა რუსეთის ფედერაციაში და ფლობდა კომპანია “ციტურსს” სანქტ პეტერბურგში. რუსეთ უკრაინის ომის შემდეგ საქართველოში ჩამოვიდა და 2022 წლიდან და აქ კომპანიების დაფუძნება დაიწყო. ერთი მეორის მიყოლებით, დავით დადიანმა სამი ფირმა დაარეგისტრირა.

მოპოვებული ინფორმაციით,  დავით დადიანი რუსეთიდან საქართველოში ჩამოსვლის შემდეგ ეძებდა პარტნიორებს, ვინც მას საქართველოს გალით სანქცირებულ რუსეთში ტვირთების შეტანაში დაეხმარებოდა. ასე დაუკავშირდა ის კახაბერ გამეზარდაშვილს და ბიზნესმენ გიორგი გერსამიას.

კახა გამეზარდაშვილი არ პასუხობს კითხვას, დაეხმარა თუ ტვირთების რუსეთში გადატანაში დავით დადიანს. რაც შეეხება გიორგი გერსამიას, ის ექვსი კომპანიის მათ შორის “ეპიკ ინვესტ გურპის” ერთ-ერთი მფლობელია. ინფორმირებული წყარო რომელმაც ამ გასაიდუმლოებული სპეცოპერაციის დეტალები “შაბათის ეთერს” მიაწოდა, ამტკიცებს, რომ დაკავებამდე დავით დადიანი და ცნობილი ბიზნესმენის თამაზ სომხიშვილის პირად მცველს ლადიკო ჩოჩიშვილი ლარსის გავლით რუსეთში ორმაგი დანიშნული ტვირთის გადატანას ცდილობდნენ. გერსამია, რომელსაც ამ ჯგუფთან კავშირი ჰქონდა, ფაქტს არ გამორიცხავს.

• ჩნდება კითხვა, შესაძლებელი იყო თუ არა რუსეთში ორმაგი დანიშნულების ტვირთის გადატანა, რუსულ სპეცსამსახურებთან მჭიდრო კავშირის გარეშე?

“შაბათის ეთერის” ხელშია სასამართლოს კანონიერად ძალაში შესული განაჩენი, სადაც ვკითხულობთ, რომ დავით დადიანი დიდი ოდენობით ნარკოტიკებით რეალიზების ბრალდებით სერბეთს მოქალაქე სამ ქალთან ერთად აიყვანეს და ახლა რვა წლით თავისუფლება აქვს მისჯილი.

• რა ინტერესი ჰქონდა პირველიშვილს სპეცოპერაცია ჩაეშალა? ამ კითხვით “შაბათის ეთერმა” პოლიციის მოქმედი მაღალჩინოსანს სახლში მიაკითხა.  კრიმინალური პოლიციის თანამშრომელი “შაბათში ეთერის” კამერას სამი დღის განმავლობაში ემალებოდა, მისმა მამამ, თემურ პირველაშვილმა დადიანისა და მისი შვილის ნაცნობობა კატეგორიულად უარყო.

გიორგი პირველაშვილი ახლა ისევ გომელაურის  უწყების თანამშრომელია. ის იმდენად გავლენიანი პოლიციელია, რომ საკუთარი უწყების მაღალჩინოსნების ცემაც აპატიეს და გამოძიებაც კი არ დაიწყეს.

ტვპირველი