ლიბიის სანაპიროსთან გემი ჩაიძირა.
როგორც მიგრაციის საერთაშორისო ორგანიზაცია (IOM) აცხადებს, გემის ჩაძირვისას 60-ზე მეტი მიგრანტი დაიხრჩო.
გადარჩენილებზე დაყრდნობით, გაეროს სააგენტომ შაბათს განაცხადა, რომ გემზე ქალაქ ზუვარას დატოვებისას, დაახლოებით 86 ადამიანი იყო.
გავრცელებული ინფორმაციით, გემი მაღალმა ტალღებმა გადააფარა და 61 მიგრანტი, მათ შორის ბავშვები, დაკარგულია და სავარაუდოდ დაღუპულია.
