“ბახმარო”_ ასე ჰქვია მოკლემეტრაჟიან ფილმს, რომლის პრემიერაც “ფაბრიკაში” შედგა.
მოკლემეტრაჟიანი ფილმი, ბახმაროს გაუკვალავ თოვლსა და ქუჩებში რედ ბულის ათლეტების მარკუს კლივლენდისა და იესპერ ტეიდერის სპონტანური თავგადასავლის შესახებ მოგვითხრობს.
ათლეტები ბახმაროში კურორტისა და ქვეყნის კულტურის აღმოსაჩენად, ბაკურიანში გამართული FIS-ის მსოფლიო ჩემპიონატის შემდეგ გაემგზავრნენ. ბახმაროში მათ გიდობას მოთხილამურე სანდრო ჩოფიკაშვილი უწევდა.
“გურია ნიუსს” შეკითხვაზე, თუ როდის იმყოფებოდნენ ბახმაროში ფილმის გადასაღებად და რამდენად აქვს ბახმაროს სათხილამურო კუთხით პოტენციალი, ჩოფიკაშვილი პასუხობს:
_ მიუხედავად იმისა, რომ ბახმაროს ზამთრის სეზონისთვის ცოტა გვიან ჩავედით, დაახლოებით მარტის დასაწყისში, გაგვიმართლა იმხელა თოვლი იყო და ფილმისთვის კადრები გადავიღეთ. პირადად მე, ბახმაროში დავდივარ მესამე წელია. გუდაურიდან ვარ, ყაზბეგშიც, სვანეთშიც ვსრიალებდი, ბახმაროს შემოვრჩი, ალბათ, იმიტომ რომ ჩემი აზრით ყველაზე კარგი სასრიალო თოვლი მოდის გურიაში, ზოგადად ბახმაროში. ასე ვთქვათ, ჩემი ბედი დაუკავშირდა ბახმაროს. ერთ-ერთი ყველაზე მაგარია მსოფლიოში და ამიტომაც ჩამოდიან ასეთი დონის მოთხილამურეები გურიაში.
ინფორმაციისთვის, ფილმის პრეზენტაციას არცერთი მთავარი პერსონაჟი არ დასწრებია, რადგან ორივე მათგანი ამ დროისთვის საზღვარგარეთ იმყოფება, თუმცა ნორვეგიელმა სნოუბორდერმა მარკუს კლივლიენდისმა ფილმის პრეზენტაციაზე შეკრებილ საზოგადოებას თავის შთაბეჭდილება წინასწარ ჩაწერილი ვიდეოთი გაუზიარა.
როგორც კლივლენდისი ამბობს, ბახმაროში გასაოცარი მთებია და ფილმის გადაღების პროცესი საკმაოდ სასიამოვნოდ და მხიარულად მიდიოდა.
როგორც ღონისძიების ორგანიზარორ “რედ ბულში” ამბობენ, ფილმი “ბახმარო” სოციალურ ქსელის პლატფორმით გავრცელდება.
“ფაბრიკაში” ფილმის ჩვენების პარალელურად იყო მოწყობილი ფოტოგამოფენაც.
ავტორი
