საქართველოს პრემიერ-მინისტრი ირაკლი კობახიძე ამბობს, რომ ზურაბ აზარაშვილი ჯანდაცვის მინისტრის პოსტიდან მართვის და დარგის წარმომადგენლებთან კომუნიკაციისას არსებული პრობლემების გამო წავიდა თანამდებობიდან. ამის შესახებ მან ჟურნალისტებს განუცხადა.
„ჯანდაცვის მინისტრთან საუბარი დღეს დილით მქონდა. მე ვხედავდი პრობლემებს, მართვის, კომუნიკაციის კუთხით. ამასთან დაკავშირებით იყო უკმაყოფილება სამედიცინო საზოგადოებაში. მე რესპუბლიკური საავადმყოფოს მაგალითზე დავრწმუნდი, რომ ასეთი პრობლემები ნამდვილად არსებობდა. ამ ყველაფერთან დაკავშირებით გვქონდა აბსოლუტურად ჯანსაღი საუბარი და ამის საფუძველზე მივიღეთ ეს გადაწყვეტილება ჯანდაცვის მინისტრის მიერ თანამდებობის დატოვების შესახებ“, – განაცხადა პრემიერმა.
როგორც პრემიერმა განაცხადა, ახალ მინისტრსთან დაკავშირებით ჯერ არავითარი გადაწყვეტილება არ არის.
“ჩვენ გვექნება კონსულტაციები როგორც გუნდის წევრებთან, ასევე შესაძლოა, დარგის წარმომადგენლებთან”,_ განაცხადა კობახიძემ.
