საქართველოს ქალთა ნაკრები ლიეტუვას დაუზავდა

ქალთა ევროპის ჩემპიონატის საკვალიფიკაციო ეტაპზე, C ლიგის პირველ ტურში, საქართველოსა და ლიეტუვის ნაკრებების მატჩი 2:2 დასრულდა.
თამაში მასპინძელთა შტურმით და ბაქრაძის დუბლით დაიწყო, თუმცა მეტოქემ ანგარიშის შემცირება შეძლო და პირველი ტაიმი 2:1 დასრულდა.

59-ე წუთზე იანუშაიტემ ანგარიში გაათანაბრა და მალე სწრაფი კონტრშეტევისას დუბლის შესრულება შეეძლო, მაგრამ მეკარე გაბუნიამ არ გაატანინა. შემდეგ სტუმრებს კიდევ ერთი მომენტი ჰქონდათ, როდესაც მათი თავდამსხმელი გაბუნიასთან პირისპირ გავიდა, რომელსაც გატანა ჯერ მეკარემ არ დაანება, შემდეგ კი მცველმა კალანდაძემ. კომპენსირებულ დროში საქართველოს ნაკრები იერიშზე გადავიდა, მაგრამ გოლის გატანა

ვერ მოახერხა და საბოლოოდ ფრე დაფიქსირდა.

შემდეგ მატჩს ირის ანტმანის გუნდი 9 აპრილს კვიპროსში ბელარუსთან ჩაატარებს.
თბილისი. „მიხეილ მესხი 2“
საქართველო – ლიეტუვა 2:2
გოლები: 1:0 ბაქრაძე (12), 2:0 ბაქრაძე (19), 2:1 ლაზგაუსკაიტე (20), 2:2 იანუშაიტე (59)
საქართველო: გაბუნია, ქადაგიშვილი, კალანდაძე, გასვიანი, ენჯიბაძე, პასიკაშვილი, ჩემინავა (დიმოპულო 90+3), დანელია, ამბალია (მწყერაშვილი 72), ბუქრიკიძე, ბაქრაძე (ბებია 62)

sportall.ge