ერაყში TikTok-ის ვარსკვლავი მოკლეს, რომელიც სოციალურ ქსელში ომ ფაჰადის სახელით იყო დარეგისტრირებული. მას საკუთარ სახლთან მოტოციკლით მოძრავმა კილერმა ესროლა. ინფორმაციას theguardian ავრცელებს.
ერაყის უშიშროების სამსახურის ცნობით, ომ ფაჰადი საკუთარ ავტომობილში ჩაცხრილეს. კილერმა თავი პიცის მიმტანად გაასაღა და TikTok-ის ვარსკვლავთან დაუბრკოლებლად მიახლოება შეძლო.
ომ ფაჰადი ცნობილია ვიდეოებით, რომლებსაც ის TikTok-ში ავრცელებდა. ის ერაყული მუსიკის თანხლებით გამომწვევად ცეკვავდა. გასული წლის თებერვალში ერაყის სასამართლომ მას 6-თვიანი პატიმრობა მიუსაჯა ვიდეოსთვის, რომელიც „უცენზურო გამონათქვამებს შეიცავდა, რომელიც საზოგადოებრივ მორალს ძირს უთხრის“.
იმავე წელს მთავრობა, სოციალური ქსელებიდან ისეთი კონტენტის ამოღების კამპანია დაიწყო, რომელიც ერაყის მორალს და ტრადიციებს არღვევდა. ერაყში სამინისტროში სპეციალური სამსახური შეიქმნა, რომელიც TikTok-ში, YouTube-ზე და სხვა პლატფორმებზე ასეთი ტიპის ვიდეოებს ეძებდა.
