ბახმაროს მიმართულებით დიდთოვლობის გამო ჩაკეტილი გზის გაწმენდითი სამუშაოები რამდენიმე დღეა მიმდინარეობს და როგორც “გურია ნიუსს” მერის წარმომადგენლის მოვალეობის შემსრულებელმა ლაშა საჯაიამ განუცხადა, გასაწმენდი ბოლო რამდენიმე კილომეტრიღა რჩება.
“თოვლის საფარი ზოგან ამ დროისთვის მეტრზე მეტია. მიმდინარეობს გზის გაწმენდითი სამუშაოები. ამ დროისთვის, გასაწმენდი რჩება ბოლო რამდენიმე კილომეტრი”,_ ამბობს საჯაია.
მისი თქმითვე, გზის წმენდის სამუშაოები რამდენიმე დღეში დასრულდება.
ინფორმაციისთვის, დიდთოვლობის გამო, ბახმაროს მიმართულებით მოძრაობა 2023 წლის 17 ნოემბრიდან აიკრძალა.
