ავტოსაგზაო შემთხვევა მოხდა ცოტა ხნის წინ ჭავჭავაძის გამზირზე. მსუბუქი ავტომობილი ავტობუსს შეეჯახა.
რუსთავი 2-ის ინფორმაციით, შემთხვევის შედეგად, 5 ადამიანი დაშავდა, მათ შორის სამი მგზავრი, მსუბუქი ავტომობილისა და ავტობუსის მძღოლი.
არსებული ცნობით, მსუბუქი ავტომობილი გაჩერებულ ავტობუსს დაეჯახა. ადგილზე მობილიზებული იყო სასწრაფო სამედიცინო დახმარების ბრიგადა.
გამოძიება 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
