დემოკრატიის კვლევის ცენტრი მოუწოდებს საპოლიციო ძალებს შეწყვიტონ უკანონო ბრძანების აღსრულება და მშვიდობიანი დემონსტრანტების ძალადობრივი მეთოდებით დარბევა.
“პარლამენტის მიმდებარე ტერიტორიაზე საპოლიციო ძალებმა კვლავ უკანონოდ დაარბიეს მშვიდობიანი აქცია და ამ წუთებშიც განსაკუთრებული სისასტიკით უსწორდებიან დემონსტრანტებს.
00:37 საათზე საქართველოს შინაგან საქმეთა სამინისტრომ გაავრცელა განცხადება, რომლის მიხედვითაც, აქცია სრულად გასცდა შეკრებისა და მანიფესტაციების შესახებ კანონის მოთხოვნებს და გახდა სრულად ძალადობრივი, რაც არ შეესაბამება სიმართლეს.
მიმდინარე პროცესებზე დაკვირვება ცხადყოფს, რომ საპოლიციო ძალების ერთადერთი მიზანი მშვიდობიანი დემონსტრანტების დასჯა და დაშინებაა”,_ აცხადებს დემოკრატიის კვლევის ცენტრი.
