ოზურგეთში პროექტის „ძლიერი ქალი = ძლიერი საზოგადოება“  მონაწილეები “მრგვალი მაგიდის” ირგვლივ გაერთიანდნენ

პროექტში 60 ქალი მონაწილეობდა გურიის სამივე მუნიციპალიტეტიდან და მათ ძირითად ნაწილს ემიგრანციიდან დაბრულებულები შეადგენდნენ.

„ციფრული პროფესიების ცენტრის“ ხელმძღვანელის, ია თავდიშვილი-გაგუას თქმით, პროექტში მონაწილების შერჩევის დროს კონკურენცია ძალიან მაღალი იყო.

„შერჩეულმა მონაწილეებმა პროექტის ფარგლებში ისწავლეს ციფრული ხელსაწყოების მთელი კასკადი, ჩაუტარდათ ტრენინგები მეწარმეობაში, საინფორმაციო და საკომუნიკაციო ტექნოლოგიებზე, ხელოვნური ინტელექტის პროგრამების გამოყენებასა და ელექტრონულ კომერციაზე.

მინდა ასევე აღვნიშნო, რომ ზოგიერთი მათგანი უკვე ქმნის ლოგოებს და ყიდის, მათ ააწყვეს პროფესიონალური ბიზნეს გვერდები, გამართეს და შექმნეს ვებ გვერდები, ციფრული წიგნები, ანიმაციები. დღეს როცა ვუყურებდი პრეზენტაციას ვიყავი ძალიან ამაყი. ჩემთვისაც კი გასაკვირი იყო, რომ პრეზენტაციაზე პროექტის მონაწილეების ერთმა ნაწილმა 3 ან ოთხი სხვადასხვა სახის ციფრული პროდუქტი წარადგინა. ვიმედოვნებ, რომ ეს პროექტი ისევ გაგრძელდება და კიდევ ბევრ გურულ ქალს გაუძლიერებს ციფრულ უნარებს,  რაც ესოდენ მნიშვნელოვანია დღევანდელ დროს ეს პროექტი და ძლიერი ქალი ძლიერ საზოგადოებას უდრის.“ – გვითხრა ია თავდიშვილმა.

ბულგარეთის ელჩის თქმით, ქართველი ქალები არიან ძლიერები და დღევანდელი შეხვედრა კიდევ ერთხელ მოწმობს ამას.

„პირველ რიგში მადლობა მობრძანებისთვის და მადლობა, რომ ამ პროექტის მონაწილეები ხართ. ჩვენ, გვქონდა პარტნიორული ურთიერთობა „სტუდენტურ-ახალგაზრდულ სათათბიროსთან“ და აქედან გამომდინარე ეს პროექტიც ზუსტად ამ ორგანიზაციასთან გავაგრძელეთ საქმიანი ურთიერთობა. ეს პროექტი სათაურს ამართლებს „ძლიერი ქალი = ძლიერი საზოგადოება“ და თუ ქალი ვერ იქნება ძლიერი, შესაბამისად. საზოგადოებაც არ იქნება ძლიერი“ – აღნიშნა თავისი სიტყვით გამოსვლის დროს ელჩმა.

„გურია ნიუსმა“ ასევე პროექტის ერთ-ერთი მონაწილე, მზევინარ ხომერიკი.

როგორც მისგან შევიტყვეთ, მან უკვე შეძლო ელექტრონული წიგნის შექმნა „დინოს თავგადასავალი“, რომელმაც სოციალურ ქსელში დიდი მოწონება დაიმსახურა.

პროექტის ერთ-ერთი მონაწილე მზევინარ ხომერიკის თქმით, ის ახალდაწერილი წიგნის  ონლაინ გაყიდვას და ასევე დაბეჭდვასაც აპირებს.

ბიბლიოთეკა ჩემთვის არის ადგილი, სადაც მუდმივ ძიებაში ხარ და ახალ იდეებს პოულობ. აქ ვისწავლე, რამდენად მნიშვნელოვანია მკითხველისთვის სიახლეების და აქტივობების შეთავაზება. რაღაც ეტაპზე მივხვდი, რომ ახალი საქმე მჭირდებოდა, დავიწყე განვითარების ახალი გზების ძიება.შევისწავლე აღმზრდელის პროფესია, რამაც უფრო დამარწმუნა რომ ბავშვებთან მუშაობა ჩემი მოწოდებაა.

პარალელურად ჩავერთე ინკლუზიურ ტრენინგებსა და ციფრული პროფესიების კურსში.პროექტმა „ძლიერი ქალი – ძლიერი საზოგადოება“ მომცა შესაძლებლობა, ჩემი გამოცდილება და ცოდნა გამეერთიანებინა და ღირებული პროდუქტი შემექმნა. ამიტომ ავირჩიე წიგნის შექმნა.ასე დაბადა „დინოს ფერადი თავგადასავალები“ – საგანმანათლებლო, ინკლუზიური, ემოციებზე დაფუძნებული წიგნი თამაშით სწავლებაზე. რომელიც შეიცავს ორენოვან ტექსტებს, ილუსტრაციებს და პერსონაჟებს, სასწავლო და შემოქმედებით დავალებებს, .წიგნი 3-4 წლის ბავშვებისთვისაა და პირველ შვილიშვილს მივუძღვენი. საწყისი გვერდები უკვე „მზის ბიბლიოთეკარის“ ფეისბუქგვერდზეა, პოზიტიური გამოხმაურებებით. მკითხველი უკვე დაინტერესდა ბეჭდური გამოცემითაც. წიგნს უკვე აქვს სპეციალისტების შეფასებები ,ეს მხოლოდ დასაწყისია.

„დინოს თავგადასავლები გაგრძელდება და მკითხველს სიახლეებს კვლავ შევთავაზებს. ამ ეტაპზე ვამზადებ წიგნს PDF და KDP ფორმატში. უკვე არსებობს დაპირება, რომ ბეჭდურ გამოცემას ორგანიზაცია გამოსცემს.დინოს წიგნი არის სიყვარულით შექმნილი წიგნი,რომელიც მჯერა მკითხველის გულში იპოვის ადგილს._თქვა ჩვენთან საუბრის დროს მზევინარ ხომერიკმა.

პროექტის მონაწილეებმა ბულგარეთის საელჩოს, „სტუდენტურ-ახალგაზრდული სათათბიროს“ და „ციფრული პროფესიების ცენტრის“ მისამართი არაერთი სამადლობელი სიტყვა გამოთქვეს და იმედოვნებ, რომ საქართველოში მსგავსი დონის პროექტი კვლავ აქტიურად განხორციელდება.

პროექტი „ძლიერი ქალი = ძლიერი საზოგადოება“ დაფინანსებულია „ბულგარეთის განვითარების დახმარების“ (Bulgarian Development Aid) მიერ.