ტემპერამენტიანი და თავშეუკავებელი ვერძი რთულ სიტუაციებში თავს ვერ შეიკავებს გარჩევებისგან. ასეთ დროს უმჯობესია მისცეთ მას საშუალება, გამოთქვას საკუთარი აზრი. ნუ მიაქცევთ ყურადღებას მის ფეთქებად და აგრესიულ ხასიათს – სტერსის დროს ეს უფრო ”ცეცხლის ამოფრქვევისა” და პრობლემის სწრაფი მოგვარების საშუალებაა, ვიდრე თქვენ მიმართ ცუდი განწყობისა და ძლიერი წყენის გამოხატვის ნიშანი.
კუროები საკმაოდ მომთმენი ხასიათისანი არიან და ცდილობენ, თავი აარიდონ კონფლიქტს. იმედოვნებენ, რომ ყველაფერი ზედმეტი შეხლა-შემოხლის გარეშე მოგვარდება. ამიტომაც ხშირად ისე იქცევიან, თითქოს არაფერი მომხდარა. მაგრამ თუ კურო უკმაყოფილებას გამოხატავს, ესე იგი, მისი მოთმინების ფიალა აივსო. კუროს პატარა წყენა შეგიძლიათ მოფერებითა და ზრუნვით დაავიწყებინოთ. უფრო სერიოზული პრობლემა კი სჯობს მასთან ერთად გაარჩიოთ, ოღონდ რბილად და დელიკატურად.
ტყუპი პატარა უკმაყოფილების დროს, მათ შორის, ოჯახური კამათისასაც, გარბის ან ცდილობს, დაკავდეს რაიმე სხვა საქმიანობით იმისათვის, რომ სასწრაფოდ გადაერთოს და არ იფიქროს პრობლემაზე. სამაგიეროდ, დაბრუნებისას მას აღარ ემახსოვრება წარსულის წყენა. თუ ასე არ მოხდა, ტყუპთან საქმის გარჩევა წყნარ ატმოსფეროში, ლოგიკურად და არგუმენტირებულად სჯობს.
კირჩხიბი ოჯახური კამათისას ძალიან მგრძნობიარე და გულჩვილია. მის ჯანმრთელობასა და მით უმეტეს, ხასიათზე გავლენას ახდენს ახლობელი ადამიანების ფიქრები და შეგრძნებებიც კი. ამიტომაც კირჩხიბებს ძალიან ფაქიზად უნდა მოექცეთ. უმჯობესია გაიგოთ და გადაწყვიტოთ პრობლემა იქამდე, სანამ ის თავად შეიტყობს ამის შესახებ. საუბრებით კირჩხიბთან ურთიერთობის გარკვევა უსარგებლოა: მას უკეთ ესმის სხეულისა და გრძნობის ენა, ვიდრე გონების მკაცრი ლოგიკა.
ლომი კამათის შემდეგ შეურაცხყოფილი და ნაწყენი ამაყად ტოვებს იქაურობას ან იქცევა ცივად და ფორმალურად. დიდი გაურკვეvლობის დროს უკეთესია, თუ მასთან ისაუბრებთ წყნარად, ისტერიკისა და შეურაცხყოფების გარეშე. სხვაგვარად თქვენ, უბრალოდ, აღარ იარსებებთ მისთვის. შეინარჩუნეთ სიმშვიდე, თუნდაც ეს ძალიან გაგიჭირდეთ.
ქალწულებს საკუთარი თავის რწმენა აკლიათ. ამიტომაც პატარა შენიშვნაც კი მათთვის შესაძლოა შეურაცხმყოფელი იყოს. ქალწულთან კონფლიქტის დროს შეეცადეთ ძალიან ფრთხილად შეარჩიოთ სიტყვები. თავდაპირველად აუცილებლად დაარწმუნეთ ის მის მიმართ თქვენს კეთილგანწყობაში და მხოლოდ ამის შემდეგ განუმარტეთ მას თქვენი უკმაყოფილების მიზეზი.
თუ სასწორი თქვენზე გაბრაზდა, მის შესარიგებლად საუკეთესოა – საჩუქრები, კანფეტები და ყვავილები, შემდეგ კი – რომანტიკული ვახშამი რესტორანში ან მყუდრო ოჯახური სადილი სანთლების შუქზე. უთხარით მას ყველაფერი მხოლოდ რომანტიკული, სასიყვარულო, წაუკითხეთ ლექსები. სასწორს დიდხანს არ გაჰყვება წყენა.
მორიელი ხშირად თავად არის ხოლმე ოჯახური სკანდალების მიზეზი. უბრალოდ, ის უფრო კომფორტულად გრძნობს თავს კონფლიქტურ სიტუაციაში. ამიტომაც ინსტინქტურად მიილტვის შექმნას ასეთი სიტუაცია. მორიელთან ერთად ცხოვრება რთულია, ურთიერთობის გარკვევა კი – უსარგებლო. ატმოსფეროს დათბობა ოჯახში, სადაც მორიელი ცხოვრობს, მხოლოდ ერთობლივი ენერგიული საქმიანობით, სპორტით, სახლის რემონტით ან სექსით არის შესაძლებელი.
განაწყენებული მშვილდოსანი ძალიან უხეში და მკაცრია, თუმცა საბედნიეროდ, დიდხანს არ მიჰყვება გულისტკენა. წარსულის წყენასაც ნუ გაახსენებთ, მაინც ვერ აღიქვამს. მშვილდოსანთან სიმშვიდეში ცხოვრება რთული არ არის – საკმარისია დაინტერესდეთ მისი საქმიანობით და თავადაც მოუყვეთ თქვენი ინტერესების შესახებ. მაგრამ არ გაბედოთ მისი კეთილგანწყობის ბოროტად გამოყენება – მშვილდოსანი ამას არ გაპატიებთ.
თხის რქა დიდხანს განიცდის ოჯახში დასადგურებულ უკმაყოფილებას და გონებაში შერიგების ათას ვარიანტს ეძებს. გარეგნულად ამ დროს სიმშვიდესა და მოჩვენებით გულგრილობას ინარჩუნებს. ოჯახური პრობლემები თხის რქასთან მეთვალყურის როლში მყოფმა უნდა მოაგვაროთ და არა კონფლიქტის მონაწილის. საუბარი მშვიდ და თბილ გარემოში უნდა წარმართოთ. აგრესიას ის აგრესიითვე უპასუხებს.
კონფლიქტურ სიტუაციაში მერწყული ყოველთვის მოულოდნელია: ის ხან საკუთარ თავში იკეტება, ხან გულახდილ საუბარს ითხოვს, ხან ქარაფშუტული ირონიით ეკიდება სერიოზულ პრობლემებს. თუ თქვენ მასთან სერიოზული საუბარი გსურთ, აჯობებს მოიცადოთ, მანამ მერწყული ხუმრობის ხასიათზე დადგება. თუმცა თქვენ ამ დროს სერიოზული და გამჭრიახი იყავით და არ გამოხატოთ არანაირი სხვა ემოცია, გარდა მეგობრულისა.
მიუხედავად იმისა, რომ თევზები ძალიან მგრძნობიარენი და ფაქიზები არიან, ყოფითი უსიამოვნებებისგან შესანიშნავად არიან დაცულები უნარით, ”ჩაიკეტონ საკუთარ თავში”. თევზის განაწყენება ძალიან ადვილია, მაგრამ მასთან შერიგებაც არ არის რთული. თევზები მაშინვე სითბოთი უპასუხებენ თქვენს ალერსს და კეთილ გამოხედვას. ისინი უდრტვინველები და ბედნიერები არიან, როცა მათ გვერდით მყოფებიც მშვიდები და გახარებულები არიან.
