იწყებთ დღეს კეთილი განზრახვებით და ამთავრებთ მადლიერებით.
არ გეშინიათ არასწორი გადაწყვეტილების მიღების, რადგან იცით, რომ რაც უნდა მოხდეს, ეს თქვენი სულიერი გაკვეთილი იქნება.
თავისუფლად მოქმედებთ და თავისუფლად საუბრობთ, რადგან აღარ გეშინიათ განსჯის, აღარ გეშინიათ იყოთ ის, ვინც ხართ.
გიყვართ სიცოცხლე, რადგან თქვენს სულიერ მიზნებს მიჰყვებით.
გრძნობთ, რომ რასაც აკეთებთ, აკეთებთ სიყვარულით.
გამოხვედით მსხვერპლის როლიდან, აღარ გეცოდებათ თქვენი თავი და გადაწყვიტეთ თავად გახდეთ საკუთარი ცხოვრების ბედისწერის მწერალი.
ხვდებით, რომ ბედნიერება და თავისუფლება გარემო პირობებზე დამოკიდებული განყენებული ცნებები კი არა ხასიათის თვისებებია, რომელიც უნდა განივითარო.
საკუთარი თავის სრულყოფილი გამოხატულება ხართ.
მოგწონთ სიჩუმე და საკუთარ თავთან ყოფნა და როცა დღეს ისე გადის, რომ განმარტოებას ვერ ახერხებთ, გაქვთ შეგრძნება, რომ რაღაც გაკლიათ.
გყოფნით ძალა გაწყვიტოთ უსარგებლო კავშირები, ან კავშირები, რომლებიც გწამლავენ, რადგან იცით, რომ ამ ადამიანებმა უკვე შეასრულეს თავიანთ მისია თქვენს ცხოვრებაში და ახლა უნდა გაუშვათ.
არასოდეს არ გრძნობთ თავს მარტოდ და პირიქით, ძალიან მოგწონთ მარტოობა.
ამჩნევთ დეტალებს, ფერებს, გემოს, სილამაზეს და შეგიძლიათ ამ მშვენიერებით ტკბობა და ასეთი რამეებით სიხარული.
შეგიძლიათ ბედნიერება განიცადოთ მაშინაც, როცა ფანჯარას აღებთ და ფილტვებს სუფთა ჰაერით ივსებთ, როცა მზის ამოსვლას, ან ჩასვლას უცქერით, როცა ხედავთ ხეებს, სიმწვანეს და სარკეში საკუთარ გაღიმებულ სახეს…
საკუთარ სურვილებს, მოთხოვნილებებს თავისუფლად გამოხატავთ, არასოდეს მერყეობთ და ყოველთვის ბევრს ოცნებობთ.
არ გეპარებათ ეჭვი საკუთარ თავში, რადგან უსმენთ შინაგან ხმას და იცით, რომ ის არასოდეს ცდება.
