,,მეჩვენება, რომ რატომღაც, თეა წულუკიანს ეპატარავება პარლამენტი, უნდა იყოს რაღაცის მინისტრი და ამ შემთხვევაში, გადაწყვიტა, კულტურის მინისტრი იყოს“, _ ამის შესახებ “მოქალაქეების” ლიდერმა ალეკო ელისაშვილმა ჟურნალისტებთან განაცხადა.
“სოფლის მეურნეობის სამინისტრო 30 წელია გვაქვს, მაგრამ სოფლის მეურნეობა საერთოდ არ გვაქვს _ ორ დღეში 100 ათასმა ადამიანმა გერმანიის ყანებში მუშაობის განცხადება შეავსო. თუ გვინდა, სფეროს დავეხმაროთ, ამ შემთხვევაში კულტურის სამინისტრო და ახალი ბიუროკრატია კი არ უნდა შევქმნათ, არამედ ხედვა უნდა დავდოთ. ორი წლის წინ კულტურის სამინისტრო ცალკე იყო, მაგრამ კულტურას დავეხმარეთ?
სამინისტროს შექმნის მიზეზი რომ ვიკითხე, მიპასუხეს, კულტურას მეტი ყურადღება უნდა მივაქციოთ და დავეხმაროთო. როგორ უნდა გავზომოთ, ეს დახმარება?! ერთი წლის თავზე როგორ უნდა მივხვდეთ, კულტურა დახმარებული იქნება თუ არა?
მეჩვენება, რომ, რატომღაც, თეა წულუკიანს ეპატარავება პარლამენტი, უნდა იყოს რაღაცის მინისტრი და ამ შემთხვევაში, გადაწყვიტა, კულტურის მინისტრი იყოს. “ქართულმა ოცნებამ” მის გადაწყვეტილებას კვერი დაუკრა და ცალკე სამინისტროს უქმნიან”, _ განაცხადა ალეკო ელისაშვილმა.
