თბილისში, პარლამენტის შენობასთან ულტრამემარჯვენე პარტიის _ „კონსერვატორები საქართველოსთვის“ („ალტ-ინფო“), ორგანიზებით Eagle Hills-ის პროექტს საწინააღმდეგო აქცია გაიმართა.
პარლამენტთან შეკრებილი დემონსტრანტები მსვლელობით სამების საკათედრო ტაძრისკენ გაემართნენ და წინ სასულიერო პირები მიუძღვებოდნენ.
რამდენიმე დღის წინ ირაკლი კობახიძემ თქვა, რომ „არაფორმალური ძალა, რომელიც დღეს აკოორდინირებს ამ პოლიტიკურ პარტიებს, არის შეშფოთებული იმით, რომ საქართველოში უნდა შემოვიდეს 6,5 მილიარდი დოლარის ინვესტიცია:
„მოლდოვას ისედაც გავასწარით 12,5 მილიარდი დოლარით, ასეთი პროექტი კი ხელს შეუწყობს ამ სხვაობის კიდევ უფრო მეტად გაზრდას და ჩვენი ეკონომიკის განვითარებას. ამით არის შეშფოთებული ის არაფორმალური ძალა, რომელიც დღეს საქართველოში მართავს ამ უცხოურ აგენტურას. ესენი არიან: „ნაცმოძრაობა“, „ლელო“, „ალტ ინფო“, „პატრიოტთა ალიანსი“. ერთი ხელიდან იმართება ის პროცესი, რომელიც მიმართულია ამ სტრატეგიული პროექტის წინააღმდეგ“, – თქვა კობახიძემ.
