„ეს არის ძალიან დიდი შეცდომა“, _ ასე გამოეხმაურა საქართველოს პრემიერ-მინისტრი, მამუკა ბახტაძემ იყალთოს სამონასტრო კომპლექსში განათლების რეფორმის ახალი ხედვის წარდგენისას, იმ ფაქტს, რომ სკოლამდელი განათლება არ არის საერთო განათლების სისტემის ნაწილი.
„უმნიშვნელოვანესია ბავშვის განვითარება ნებისმიერ ასაკში. სკოლამდელ განათლებას დაეთმობა განსაკუთრებული ყურადღება, რადგან განათლება სწორედ ადრეული ასაკიდან აისახება განვითარების შემდეგ საფეხურებზე.
დღეს სამწუხაროდ, სკოლამდელი განათლება არ არის საერთო განთლების სისტემის ნაწილი, რა თქმა უნდა, ეს არის ძალიან დიდი შეცდომა და ამ შეცდომას, ჩვენ, აუცილებლად გამოვასწორებთ“, _ განაცხადა ბახტაძემ.
როგორც ცნობილია, განათლების რეფორმა ადრეული განათლებას, სკოლამდელ განათლებას, პროფესიულ განათლებას, უმაღლესი განათლებასა და მეცნიერებას შეეხება.
