ამერიკის პოლიციამ განაცხადა, რომ 78 წლის ქალი, რომელიც წარსულში ორჯერაა ნასამართლევი ბანკის ძარცვის გამო, ისევ დააკავეს მესამე ძარცვისთვის მისურის შტატში.
ბონი გუჩი შევიდა Goppert Financial Bank-ში და თანამშრომელს ნაღდი ფული მოსთხოვა. მან ასევე დატოვა ჩანაწერი, რომელშიც ნათქვამია: “გმადლობთ, ბოდიში, არ მინდოდა შენი შეშინება.”
BBC წერს, რომ ქალბატონი გუჩი ახლა ციხეში ზის 25,000 აშშ დოლარის ოდენობით
სასამართლო დოკუმენტების მიხედვით, ქალი ბანკში გასული კვირის ოთხშაბათს შევიდა, რომელსაც ძარცვის დროს ეკეთა შავი N95 პირბადე, შავი სათვალე და რეზინის ხელთათმანები, მან თანამშრომელს მისცა ჩანაწერი, რომელზეც ეწერა: “მე მჭირდება 13,000 პატარა კუპიურა”.
პროკურორების განცხადებით, სათვალთვალო კამერის ჩანაწერის მიხედვით, ქალბატონო გუჩი ერთ მომენტში ურტყამს დახლს და ავალდებულებს თანამშრომელს უფრო სწრაფად მისცეს ფული.
პროკურორების თქმით, Pleasant Hill Missouri პოლიციის დეპარტამენტის ოფიცრებმა ქალი, ადგილობრივი დროით 15:20 საათზე მისივე მანქანაში ნახა, იატაკზე დაყრილი ნაღდი ფულით და სავარაუდოდ, ალკოჰოლური თრობის ქვეშ.
ქალბატონი გუჩი დააკავეს და ბრალი წაუყენეს ფინანსური ინსტიტუტის ქურდობის ან ქურდობის მცდელობისთვის.
პოლიციის უფროსმა თქვა, რომ თავიდან არ იყვნენ დარწმუნებულები, რომ სწორ ადამიანს აკავებდნენ.
“როდესაც ოფიცრები პირველად მიუახლოვდნენ მას, ისინი რაღაცნაირად დაბნეულები იყვნენ… ეს არის პატარა მოხუცი ქალბატონი, რომელიც გარეთ გამოდიოდა, თავიდან არ ვიყავით დარწმუნებული, რომ სწორი ადამიანს ვაკავებდით”, – განუცხადა Pleasant Hill პოლიციის უფროსმა ტომი რაიტმა Kansas City Star-ს.
მისი თქმით, ეს არ არის ქალბატონი გუჩის კანონის პირველი დარღვევა.
მას, ასევე აქვს კიდევ ორი ნასამართლობა. ერთი 1977 წელს კალიფორნიაში ძარცვისთვის, მეორე კი 2020 წელს ბანკის ძარცვისთვის, სადაც მან გადასცა მთვლელს დაბადების დღის ბარათი, რომელშიც ეწერა “ეს არის ძარცვა”.
2020 წლის ძარცვისთვის, მისი პირობითი პატიმრობა 2021 წლის ნოემბერში დასრულდა.
ბატონმა რაიტმა თქვა, რომ ქალბატონ გუჩს არ ჰქონდა „დიაგნოზირებული“ დაავადებები, მაგრამ მისი ასაკის გამო, დეპარტამენტი ცდილობდა დაედგინა, შეიძლებოდა თუ არა რაიმე ძირეული ჯანმრთელობის ფაქტორების წვლილი შეტანილიყო ინციდენტში.
ავტორი
