შსს-ს საგანგებო სიტუაციების მართვის სამსახურის თანამშრომლებმა ჩატარებული საძიებო სამუშაობის შედეგად ,,ბაუჰაუს“ ბარიდან დაკარგული ორი ახალგაზრდის, ცხედარი დღეს მდინარე მტკვარში იპოვეს.
შსს-ში აცხადებენ, რომ საქმეზე უკვე მიმდინარეობს სხვადასხვა სახის საგამოძიებო მოქმედებები. გამოკითხეს ,,ბაუჰაუს“ ბარის თანამშრომლები, გარდაცვლილების ოჯახის წევრები, მეგობრები და საქმესთან შემხებლობაში მყოფი სხვა პირები.
აღნიშნულ საქმესთან დაკავშირებით ,,გურია ნიუსი“ დაინტერესდა არის თუა არა ამოღებული ვიდეო კამერის ჩანაწერები, სადაც ჩანს ახალგაზრდების გადაადგილების მარშრუტი.
საქმესთან დაკავშირებით ,,გურია ნიუსს“ უწყებაში განუცხადეს, რომ საგამოძიებო მოქმედებების ფარგლებში გახორციელებულ ქმედებებს ვერ ჩამოთვლიან.
,,განხორციელდა საგამოძიებო მოქმედებები, რაც მოიცავადა სხვადასხვა ღონისძიებებს. ესე კონკრეტულად ამის ჩამოთვლა არ შეგვიძლია, გამოძიების ინტერესებიდან გამომდინარე“, _ განაცხადეს შსს-ში.
შინაგან საქმეთა სამინისტოროში, თბილისში მდებარე ,,ბაუჰაუს“ ბარიდან გასული და შემდეგ გაუჩინარებული 2 ახალგაზრდის შესახებ შეტყობინება, 15 აგვისტოს დაახლოებით 21:00 საათზე შევიდა.
გიორგი შალამბერიძემ და ბაია ბერუაშვილმა ბარი 15 აგვისტოს 5 საათზე დატოვეს და გაუჩინარდნენ.
ფაქტთან დაკავშირებით გამოძიება სსკ-ის 143-ე მუხლით მიმდინარეობს, რაც თავისუფლების უკანონო აღკვეთას გულისხმობს.
