„ერთიანობა ნაციონალური მოძრაობის“ ზუგდიდის ორგანიზაციის თავმჯდომარემ, ანა წითლიძემ ხუთი დღის წინ ბარამიას დასახლებაში მომხდარ ორგანიზებულ დანაშაულთან დაკავშირებით ბრიფინგი გამართა და სამეგრელო-ზემო სვანეთის პროკურატურას მოუწოდა, რომ გადააკვალიფიცირონ მუხლები და ყველა ის ადამიანი, რომელიც მონაწილეობდა ამ ორგანიზებულ დანაშაულში, პასუხი აგოს კანონის შესაბამისად.
„ხუთი დღე გავიდა მას შემდეგ, რაც ზუგდიდში ბარამიას დასახლებაში ორგანიზებულმა დაჯგუფებამ, რომელსაც ხელმძღვანელობდა „ქართული ოცნება“ და რომელსაც ადგილზე უშუალოდ ხელმძღვანელობდა სუს-ის ოდეერი – შოთა ბაჯალაძე, თავს დამესხა მე და თავს დაესხა „ერთიანობა ნაციონალური მოძრაობის“ ახალგაზრდულ ფრთას, როდესაც ჩვენ ვატარებდით წინასაარჩევნო კამპანიას. ხუთი დღე გავიდა მას შემდეგ, რაც მთელმა საქართველომ საჯაროდ იხილა, რომ ეს ორგანიზებული დაჯგუფება, რომელიც იყო ნარკოტიკული ნივთიერების თრობის ქვეშ და ყველა ეს ადამიანი, ვინც ამ თავდასხმაში მონაწილეობდა, იყო ნარკოტიკული ნივთიერების თრობის ქვეშ, ამ ადამიანებმა საჯაროდ ფიზიკური შეურაცხყოფა მოგვაყენეს ჩვენ, მომაყენეს პირადად მე და მიაყენეს ჩვენი ახალგაზრდული ორგანიზაციის წევრებს და სცემეს ბექა ფარცვანია. ხუთი დღე გავიდა, რაც ყველა ტელევიზიამ აჩვენა ეს კადრები და ადგილზე პოლიციას ეს ადამიანები უნდა დაეკავებინათ, თუმცა ვნახეთ ის, რომ ხუთი დღის შემდეგაც ეს ადამიანები ორგანიზებული დანაშაულებრივი ჯგუფის წევრები დადიან თავისუფლად ზუგდიდში და საშიში არიან თითოეული საქართველოს მოქალაქისთვის, რომლებიც არია ოპოზიციურად განწყობილები.
მე დღეს მივმართე საქართველოს გენერალურ პროკურატურას და ახლა მივმართავ სამეგრელო ზემო სვანეთის პროკურატურას – კატეგორიულად მოვითხოვთ, რომ ყველა ადამიანი, ვინც მონაწილეობდა ამ ორგანიზებულ თავდასხმაში, რომელსაც ხელმძღვანელობდა სუს-ის ოდეერი შოთა ბაჯალაძე, რომ ყველა ეს ადამიანი არის იდენტიფიცირებული და ვითხოვთ, რომ ყველა ამ ადამიანმა კანონის შესაბამისად აგოს პასუხი. გამოძიება დაწყებულია 126-ე მუხლით, რაც გულისხმობს ჩვეულებრივ ძალადობას და ეს არის მცდელობა პოლიციის მხრიდან, რომ ამ ადამიანებს შეუმსუბუქოს სასჯელი, ამიტომაც ჩვენი მთავარი მოთხოვნა არის არა 126-ე მუხლი ,არამედ პროკურატურამ კეთილი უნდა ინებოს, კვალიფიცირდეს ეს საქმე და გამოძიება დაიწყოს შემდეგი მუხლები – 225-ე მუხლი, რომელიც გულისხმობს ორგანიზებული დანაშაულებრივი ჯგუფის ქმედებას, რომელიც ფიზიკურად უსწორდება ადამიანებს და ცემს მას, 325-ე მუხლი, ეს არის სახელმწიფო პოლიტიკურ პირზე თავდასხმა და მთელმა საქართველომ ნახა კადრები თუ როგორ დამესხა მე ადამიანი, რომელიც არის საჯარო მოხელე და მუშაობს აფხაზეთის მთავრობაში და მანამდეც არაერთხელ იყო შემჩნეული ძალადობაში და მესამე მუხლი, ეს არის 161-ე მუხლი, რომელიც გულისხმობ შეკრების და მანიფესტაციის უფლების ხელყოფას. ამ მუხლებით ვითხოვთ ჩვენ გამოძიების დაწყებას და მოვუწოდებთ გენერალურ პროკურატურას და სამეგრელო-ზემო სვანეთის პროკურატურას – თქვენ უნდა გესმოდეთ, რომ თუ თქვენ ხელს დააფარებთ ამ დანაშაულს, რომელიც იხილა მთელმა ზუგდიდმა და მთელმა საქართველომ პირდაპირ ეთერში, თქვენ იქნებით დანაშაულის თანამონაწილეები და თქვენ იქნებით ის ადამიანები, ვინც საშუალებას მისცემს ამ ორგანიზებულ ჯგუფებს, რომ ასევე იძალადონ საქართველოს თითოეულ მოქალაქეზე. თქვენ უნდა გესმოდეთ, რომ რა დროც არ უნდა გავიდეს, თუ თქვენ ახლა მოგცემენ დავალებას, რომ ხელი დააფაროთ ამ ადამიანებს, 26 ოქტომბრის შემდეგ თქვენც მოგიწევთ პასუხისგება იმაზე, რომ თქვენ ხელს დააფარებთ ამ ადამიანებს, ამიტომაც მოგიწოდებთ, რომ იმოქმედეთ კანონის შესაბამისად, გადააკვალიფიცირეთ ეს მუხლები, ყველა ამ ადამიანის იდენტიფიცირება არის შესაძლებელი და ყველა ეს ადამიანი სახელით და გვარებით მივიტანე ზუგდიდის პოლიციაში და ასევე მივიტანე მტკიცებულებები, ასევე ამ ადამიანების სახელი და გვარები მიწოდებული გვაქვს სახელმწიფო ორგანიზაციებისთვის. ჩვენ ასევე საელჩოს წარმომადგენლობას შევხვდებით ამ საკითხთან დაკავშირებით, გადავცემთ იდენტიფიცირებულ ადამიანების სიას, რომლებიც მონაწილეობდნენ ამ ორგანიზებულ დანაშაულში,“ – განაცხადა ანა წითლიძემ.
