მეგობრებო, ამ ჯგუფიდან უამრავი ადამიანი მკითხულობდით, უდიდესი მადლობა ყველას.
გამოვედით წუხელ.
ვერ აღგიწერთ ჩემს მდგომარელბას. ბიძაჩემის სახლში რომ მეწყერი შემოვიდა ,მერე გავიქეცით ქუჩაში, იდგა სასწაული მიწის სუნი. წვიმდა კოკისპორულად და უკან ისევ მესმოდა ქვების ხმა, რომელიც ჩვენს ეზოში ცვიოდა, სადაც გავრბოდით გზა ჩახერგილი დაგვხვდა, რამაც გამოიწვია პანიკა,
უბრალოდ, ფსიქოლოგიურად ვეღარ ვაზროვნებდი დალაგებულად, მეგობარმა დამირეკა. მეუბნება მის სახელს და გვარს რომ გავთიშე მეზობელს ვუთხარი საერთოდ არ ვიცი ვინ იყო თქო.
გვამხნევებდა ადამიანების მოკითხვები .იმედს გვაძლევდა ჩვენი მერიის წარმომადგენლობის ინტენსიური კავშირი ჩვენთან.
მადლობის მეტი არაფერი მეთქმის ჩვენს მერთან და რეზო ექიმთან, რომლებიც ითავისებდნენ ჩვენ ემოციურ მდგომარეობას და ცდილობდნენ დახმარებას და გამხნევებას .
ძალიან მტკივა ჩვენი სოფლელის, თამილა გრძელიძის ამბავი, როგორ წაართვა სტიქიამ ჯიხანჯირში შვილი.
ბუნებას წინ ვერ დავუდგებით, მაგრამ შედეგების გააზრება და ცხოვრების გაგრძელება ძნელია, რაიონმა ორი მცირეწლოვანი დავკარგეთ. _ წერს ფეისბუქჯგუფ This is ლანჩხუთი, ჯგუფის წევრი ანა ურუშაძე.
შეგახსენებთ, რომ სტიქიამ პრობლემები შექმნა გურიაში. დაიღუპა 3 ადამიანი, მათ შორის, 2 ბავშვი. ძლიერი ნალექის შედეგად დატბორილია საცხოვრებელი სახლები, საველე სავარგულები, მოტეხილია ხეები, ჩამოშლილია მიწის მასები, გარე სამყაროს მოწყვეტილია გურიის რეგიონის რამდენიმე სოფელი.
რეგიონში სტიქიით მიყენებული ზარალის აღმოსაფხვრელად ამოქმედებულია ცხელი ხაზი:
სახელმწიფო რწმუნებულის ადმინისტრაცია: 551 38 38 05
ოზურგეთის მუნიციპალიტეტი: 577 601 304
ლანჩხუთის მუნიციპალიტეტი: 599058700
