რუსეთის საგარეო საქმეთა სამინისტროს განცხადებას, თითქოს აშშ-ის მიერ საქართველოსთვის Javelin-ის მიწოდებამ, შესაძლოა, თბილისს რეგიონში ახალი სახიფათო ავანტიურისკენ უბიძგოს, თავდაცვის მინისტრმა ლევან იზორიამ უპასუხა.
მისი განცხადებით, Javelin-ი არ არის მიმართული არც ერთი ქვეყნის წინააღმდეგ და მისი ერთადერთი მიზანი ჩვენი ქვეყნის სუვერენიტეტის დაცვაა
“მისი ერთადერთი მიზანია ჩვენი ქვეყნის სუვერენიტეტის ეფექტური დაცვა. ყველა ტიპის შეიარაღება, რომელიც შევიძინეთ ან მომავალში შევიძენთ, იქნება მხოლოდ ამ ტიპის იარაღები – თავდაცვითი ხასიათი. ეს გაცხადებულია საჯაროდ თავდაცვის მინისტრის მიერ და გაწერილია შესაბამის სტრატეგიებშიც, რომ ჩვენი პრიორიტეტი იქნება სწორედ თავდაცვითი შეიარაღების შესყიდვა, რომლის ერთ-ერთი კომპონენტი გახლავთ ანტისატანკო სისტემა Javelin-ების სახით“, _ განაცხადა ლევან იზორიამ.
