პაკისტანის ქალაქ ლაჰორში აფეთქების შედეგად 8 ადამიანი დაიღუპა. აღნიშნულ ინფორმაციას EURONEWS ავრცელებს.
როგორც ცნობილია, აფეთქება ელიტარულ სავაჭრო ცენტრში მოხდა.
მაუწყებლის ინფორმაციით, სამართალდამცავებმა მიმდებარე ტერიტორიას ალყა შემოარტყეს.
თავდაპირველად გავრცელებული ინფორმაციით, სავაჭრო ცენტრში ელექტრო გენერატორი აფეთქდა, თუმცა მოაგვიანებით სამართალდამცავებმა დაადასტურეს, რომ სავაჭრო ცენტრში ბომბი აფეთქდა.
