“აფხაზეთი საქართველოა” – ენგურის ხიდთან აქცია გაიმართა

ცოტა ხნის წინ, ენგურის ხიდთან ბლოგერებისა და “ამრას” წევრების აქცია გაიმართა.

აქციის მონაწილეებს საქართველოს, უკრაინისა და ევროკავშირის დროშები ეჭირათ ხელში. მათ, ასევე, გაფინეს ბანერი – “აფხაზეთი – საქართველოა”.

აქციის მონაწილეებმა ამ ფორმით კიდევ ერთხელ გააპროტესტეს რუსული ოკუპაცია.

აქციაზე საქართველოს მოქალაქეებთან ერთად აფხაზი ბლოგერი, დაურ ბუავაც იმყოფებოდა.