,,არ მესმის, რატომ უნდა ამ ქვეყნის ხელისუფლებას, რომ ხელბორკილებით იყოს მიბმული კრემლზე,” – თქვა ევროპაში ამერიკის შეერთებული შტატების სამხედრო ძალების ყოფილმა ხელმძღვანელმა, გენერალმა ბენ ჰოჯესმა ეკონომიკური პოლიტიკის კვლევის ცენტრის (EPRC) ორგანიზებულ საჯარო შეხვედრაზე.
ბენ ჰოჯესის თქმით, უკრაინა გაიმარჯვებს და მისი მოლოდინია, რომ ქვეყანა ყირიმსაც გაათავისუფლებს მიმდინარე წლის აგვისტოს ბოლოსთვის. როგორც ჰოჯესი ამბობს, საქართველო არ არის მტკიცე უკრაინის მხარდაჭერაში.
,,ჩვენ ვისაუბრეთ უკრაინაზე, ასევე იმაზე, თუ რატომ მგონია, რომ უკრაინა გაიმარჯვებს და ყირიმსაც გაათავისუფლებს მიმდინარე წლის აგვისტოს ბოლოსთვის… მე არ მესმის, რატომ არ არის საქართველო უფრო მტკიცე უკრაინის მხარდაჭერაში. ჩემთვის ეს გაუგებარია. საქართველო თავადაც მოგებული დარჩება, როდესაც ეს ომი რუსეთის დამარცხებით დასრულდება და არ მესმის, რატომ უნდა ამ ქვეყნის ხელისუფლებას, რომ ხელბორკილებით იყოს მიბმული კრემლზე.
მე ვერ ვხედავ ვერანაირ პოზიტიურ შედეგს საქართველოსთვის, რომ არ იყოს უკრაინის მხარეს. სულ მცირე საჯაროდ ითქვას, უკრაინა კარგი მხარეა, რუსეთი კი აგრესორია; და ჩვენ, ქართველები, არ გავაკეთებთ არაფერს ისეთს, რაც ლეგიტიმაციას მისცემს რუსეთის მოქმედებებს. არსებობს სანქციები და სხვა მრავალი ლეგალური გზა მხარდაჭერის გამოსახატავად. ეს არ ითვალისწინებს საქართველოს ომში ჩათრევას. არის შესაძლებლობა, რომ საქარვეთოლო იყოს ისტორიის სწორ მხარეს.
ჩემი შეფასებით, ქართველთა დიდი ნაწილი სრულად უჭერს მხარს უკრაინას. როგორც ჩანს, საქართველოს მთავრობის მოქმედებასა თუ უმოქმედობასა და ქართველი ხალხის სურვილს შორის კავშირია გაწვეტილი,“ – განაცხადა ჰოჯესმა.
გენერალი ჰოჯესი საქართველოში არასამთავრობო ორგანიზაცია “ეკონომიკური პოლიტიკის კვლევის ცენტრის” მოწვევით იმყოფება.
ავტორი
