თბილისის მერობის „ქართული ოცნების“ კანდიდატმა კახა კალაძემ ექსპრეზიდენტს მიხეილ სააკაშვილს მადლობა გადაუხადა და აღნიშნა, რომ ასე ვერავინ გაუფუჭებდა საქმეს საკუთარ პარტიას, როგორც ეს სააკაშვილმა შეძლო.
„ძალიან დიდი მადლობა მინდა გადავუხადო მიხეილ სააკაშვილს, ასე ვერავინ შეძლებდა საკუთარი პარტიის ასეთ მდგომარეობაში ჩაგდებას, როგორც სააკაშვილმა შეძლო და ამისთვის მას ძალიან დიდი მადლობა. დანარჩენს რაც შეეხება, დაველოდოთ არჩევნებს და ყველაფერი იქნება ცხადი. ვერავინ გააფარჩაკებდა თავის პარტიასა და კანდიდატს, როგორც ეს მიხეილ სააკაშვილმა ქნა“, – განაცხადა კალაძემ.
