ამერიკის შეერთებული შტატები სანქციებს უწესებს სამ რუსულ სამთავრობო ტელევიზიას და Gazprombank-ის 27 აღმასრულებელ ხელმძღვანელს. ასევე, ახალი სანქციების თანახმად, ამერიკელებს ეკრძალებათ რუსი ფიზიკური და იურიდიული პირებისთვის საბუღალტრო და საკონსულტაციო სერვისების მიწოდება. სანქცირებულ ტელევიზიებს შორის არის Россия 1, Первый канал Россия და НТВ. – ამის შესახებ აშშ-ს პრეზიდენტის ადმინისტრაციამ “დიდი შვიდეულის” წევრი ქვეყნების ლიდერები ონლაინ შეხვედრის დასრულების შემდეგ განაცხადა.
Gazprombank-ის ხელმძღვანელების წინააღმდეგ დაწესებული სანქციები ამ სახის პირველი ზომებია, რომლებიც გაზის ექსპორტიორ გიგანტზე დაწესდა. აშშ და მოკავშირეები თავს არიდებდნენ იმგვარი ნაბიჯების გადადგას, რომლებსაც ევროპაში გაზის მიწოდების შეფერხება შეეძლო.
“ეს არ არის სრული დაბლოკვა. ჩვენ არ ვყინავთ Gazprombank-ის აქტივებს და არ ვკრძალავთ რაიმე ტრანზაქციას გაზპრომბანკთან.
განუცხადა ბაიდენის ადმინისტრაციის მაღალჩინოსანმა ჟურნალისტებს. „რაზეც ჩვენ მივანიშნებთ, რომ Gazprombank-ი არ არის უსაფრთხო თავშესაფარი, ამიტომ, ჩვენ ვუწესებთ სანქციებს მათ ზოგიერთ ტოპ აღმასრულებელ ხელმძღვანელს“ – თქვა აშშ-ს პრეზიდენტის ადმინისტრაციის წარმომადგენელმა.
სანქცირებულთა სიას დაემატა Sberbank-ის 8 აღმასრულებელი ხელმძღვანელიც, რომელიც ფლობს რუსეთის საბანკო აქტივბის მესამედს. ასევე დაემატა მოსკოვის ინდუსტრიული ბანკი და მისი შვილობილი 10 კომპანია.
თეთრი სახლის ოფიციალური წარმომადგენლის თქმით, ექსპორტის კონტროლის ახალი შეზღუდვები მიზნად ისახავდა პუტინის ომის ძალისხმევის პირდაპირ შემცირებას, მათ შორის სამრეწველო ძრავებზე, ბულდოზერებზე, ხის ნაწარმზე, ძრავებსა და ვენტილატორების კონტროლზე. ევროკავშირი აგრძელებს დამატებით კონტროლს ქიმიკატებზე, რომლებიც უშუალოდ რუსეთის სამხედრო ძალებს მიეწოდება,
რუსეთი უკრაინაში თავის ქმედებებს უწოდებს „სპეციალურ ოპერაციას“, რომელიც, მისი თქმით, მიზნად ისახავს არა ტერიტორიის ოკუპაციას, არამედ სამხრეთ მეზობლის სამხედრო შესაძლებლობების განადგურებას და საშიშ ნაციონალისტების დაპყრობას. უკრაინა და მისი მოკავშირეები ამბობენ, რომ რუსეთმა არაპროვოცირებული ომი წამოიწყო.
იარაღის მწარმოებელ კომპანიას Promtechnologiya-ს, სანქციები დაეკისრა, შვიდი გადამზიდავი და საზღვაო ბუქსირების კომპანიასთან ერთად. თეთრმა სახლმა, ასევე განაცხადა, რომ ბირთვული მარეგულირებელი კომისია შეაჩერებს ლიცენზიებს სპეციალური ბირთვული მასალის რუსეთში ექსპორტისთვის.
რაც შეეხება სანქცირებულ ტელევიზიებს. ესენია – Россия 1, Первый канал Россия და НТВ. თეთრი სახლის თქმით, ეს ტელევიზიები პირდაპირ, ან ირიბად კონტროლდება სახელმწიფოს მიერ.
ამერიკელებს ეკრძალებათ რუსი ფიზიკური და იურიდიული პირებისთვის საბუღალტრო და საკონსულტაციო სერვისების მიწოდება.
ახალი სანქციები შეერთებული შტატების ახალი მცდელობაა გაზარდოს ზეწოლა რუსეთის პრეზიდენტ ვლადიმერ პუტინზე, უკრაინაზე მისი ქვეყნის თავდასხმის გამო.
ავტორი
