აშშ-მა მოსკოვიდან ელჩი ჯონ სალივანი კონსულტაციისთვის გამოიწვია, _ ამის შესახებ ინფორმაციას რუსული სახელისუფლებო მედია tass ავრცელებს.
გამოცემის ინფორმაციით, ელჩი ვაშინგტონში დღეს დილით გაემგზავრა.
ცნობისთვის, ამერიკის შეერთებულ შტატებსა და რუსეთს შორის დიპლომატიური ურთიერთობა დაიძაბა. მხარეებს შორის ურთიერთობა განსაკუთრებით მაშ შემდეგ დაიძაბა რაც შეერთებულმა შტატების პრეზიდენტმა ვლადიმერ პუტინს მკვლელი უწოდა და შპიონაჟის ბრალდებით ქვეყნიდან რუსი დიპლომატები გააძევა.
მომხდარის გამო მოსკოვმა ვაშინგტონიდან ელჩი ანატოლი ანტონოვი დროებით გამოიწვია და ჯო ბაიდენს საჯარო ბოდიში მოხდისკენ მოუწოდა. წინააღმდეგ შემთხვევაში კი დიპლომატიური ურთიერთობის საბოლოო გაწყვეტით დაემუქრა.
16 აპრილს რუსეთის საგარეო საქმეთა მინისტრმა სერგეი ლავროვმა ჟურნალისტებს პრესკონფერენციაზე განუცხადა, რომ კრემლის თანაშემწემ იური უშაკოვმა სალივანს ურჩია შეხვედრაზე, რომ ვაშინგტონში დაბრუნებულიყო კონსულტაციებისთვის.
ორშაბათს, Axios-ის ვებგვერდზე გავრცელდა ინფორმაცია აშშ-ს სახელმწიფო დეპარტამენტის მითითების შესახებ, რომ სალივანი ამ კვირაში გაემგზავრებოდა ვაშინგტონში ბაიდენის ადმინისტრაციის წევრებთან კონსულტაციებისთვის და უახლოეს კვირებში დაბრუნდებოდა მოსკოვში.
აშშ-ს სახელმწიფო დეპარტამენტის სპიკერმა ნედ პრაისმა არ დაადასტურა, რომ სალივანი ბრუნდებოდა სახლში კონსულტაციებისთვის მოსკოვის რეკომენდაციით, რუსეთსა და შეერთებულ შტატებს შორის არსებული ორმხრივი ურთიერთობების ფონზე.
