“პრეზიდენტი ტრამპი ძალიან მალე ხელს მოაწერს კანონს, რომელიც რუსეთის წინააღმდეგ დაწესებული სანქციების მოხსნის შესაძლებლობას ზღუდავს”, _ განაცხადა ვიცე-პრეზიდენტმა, პენსმა თბილისში ვიზიტისას.
როგორც NYTIMES უწყება, თბილისში ვიზიტის დროს გაკეთებული განცხადება სიურპრიზი არ იყო, რადგან ტრამპის ადმინისტრაციას რუსეთისთვის სიგნალი გაგზავნილი ჰქონდა, რომ კანონიერ გზას არ ადგანან.
ეს პირველი შემთხვევაა, რომ კონგრესმა მთავარ პოლიტიკურ საკითხზე დააფიქსირა თავისი სურვილი და კანონმდებლობა, ცივი ომის შემდეგ, რუსეთსა და ამერიკის შეერთებულ შტატებს შორის ურთიერთობის ჩამოყალიბებას და განვითარებას ყველაზე დაბალი წერტილიდან, დაეხმარება.
როგორც მაუწყებელი წერს, დიპლომატიური პოლიტიკის თვალსაზრისით, რუსეთმა შესაძლოა ფსონი შარშან ამერიკის საპრეზიდენტო არჩევნებში ჩარევის დროს გააკეთა.
მისივე ცნობით, კანონმდებლობის გადახედვამ იმ ამერიკული ნავთობისა და ბუნებრივი გაზის კომპანიების შეშფოთება გამოიწვია, რომლებიც რუსეთის ენერგეტიკულ სექტორთან ვაჭრობენ.
მაუწყებლის ინფორმაციით, ჟურნალისტის მიერ არჩევნებში ჩარევის შესახებ დასმულ კითხვას პენსმა პირდაპირ არ უპასუხა. მან კიდევ ერთხელ დაადასტურა ადმინისტრაციის შეშფოთება რუსეთის სტაბილურობის დამრღვევი ქმედებების და ყალთაბანდი რეჟიმების მხარდაჭერის გამო.
საქართველოს დედაქალაქში ხანმოკლე ვიზიტისას, პენსმა პრემიერ-მინისტრ გიორგი კვირიკაშვილისგან დამაჯერებელი გზავნილი მიიღო.
მაუწყებლის ცნობით, რუსეთი და საქართველო, საბჭოთა კავშირის ყოფილი რესპუბლიკებია, რომლებსაც 2008 წელს ხანმოკლე ომი ჰქონდათ, მას შემდეგ რუსეთი აგრძელებს მიტაცებული ტერიტორიების, აფხაზეთისა და სამხრეთ ოსეთის ოკუპაციას საერთაშორისო სამართლის ნორმების დარღვევით.
“ჩვენი ვალდებულების ნიშნად პრეზიდენტი ტრამპი მალე ხელს მოაწერს რუსეთის წინააღმდეგ გაძლიერებული სანქციების გასატარებლად კანონს. როგორც ყოველთვის, ჩვენს ქვეყანას რუსეთთან საერთო ინტერესების გათვალისწინებით თანამშრომლობა ურჩევნია”, _ ამბობს პენსი.
თუმცა მისივე თქმით, შეერთებულ შტატებსა და რუსეთს შორის არსებულ ურთიერთობებს განსხავებული მიდგომა სჭირდება.
“პრეზიდენტმა და კონგრესმა შეთანხმებული შეტყობინება გაუგზავნეს რუსეთს. ურთიერთობის გაუმჯობესება, რუსეთისთვის სანქციების მოხსნა, კი, იმ ქმედებების გადახედვას ითხოვს, რასაც ის პირველად მოჰყვა”, _ აცხადებს პენსი.
მაუწყებლის ინფორმაციით, კვირას, სანქციების საპასუხოდ რუსეთის პრეზიდენტმა, ვლადიმერ პუტინმა, ბრძანება გასცა, რომ ამერიკის შეერთებული შტატების დიპლომატიური მისიების 755 თანამშრომელი გაეთავისუფლებინათ.
როგორც ცნობილია, გათავისუფლებულ თანამშრომელთა უმრავლესობა მოსკოვის საელჩოში და საკონსულოებში მომუშავე ადგილობრივი რუსები არიან, ყოფილმა ელჩმა ამ ნაბიჯს “სისტემის შოკი” უწოდა.
მაუწყებლის ცნობით, პენსმა განაცხადა, რომ პუტინის ქმედებები ამერიკის შეერთებული შტატებს ვერ შეარყევს და მან ხაზი გაუსვა ნატოს ხელშეკრულების მე-5 მუხლს და ბალტიისპირეთის ქვეყნები, ლიტვა და ლატვია, ამერიკის ერთგულებაში დაარწმუნა.
“ჩვენ რუსეთთან უკეთესი ურთიერთობის იმედი გვაქვს, მაგრამ მოსკოვის ბოლოდროინდელი დიპლომატიური ქმედებები, დარწმუნებით შემიძლია ვთქვა, რომ ვერ შეაჩერებს აშშ-ს ვალდებულებას ჩვენი მოკავშირეების უსაფრთხოებისა და თავისუფლებისთვის, მსოფლიოს ისეთი ქვეყნებისთვის, როგორიც საქართველოა”, _ აცხადებს პენსი.
მაუწყებლის ინფორმაციით, საქართველოში ყოფნისას პენსი იმ სამხედროებს შეხვდა, რომლებიც ქართულ-ამერიკულ ერთობლივ წვრთნებში მონაწილეობენ, და წვრთნებს ” საქართველოს სუვერენიტეტისა და საერთაშორისოდ აღიარებული საზღვრებისადმი ჩვენი ერთგულების შესამჩნევი ნიშანი” უწოდა.
პენსმა ასევე უპასუხა კითხვას იმის შესახებ, რომ რუსეთი ბელორუსიაში, ნატოს ტერიტორიის აღმოსავლეთ საზღვართან, 100 000-ზე მეტი ჯარისკაცის გაგზავნას გეგმავს.
“ახლანდელი რუსული წვრთნები, დღეს გავრცელებული ინფორმაციის თანახმად, რომ ბელორუსიაში 100 000 რუსი სამხედრო გადაადგილდება, ნატოს პარტნიორობის სიცხადის მნიშვნელობის დადასტურებაა”, _ ამბობს ის.
პენსმა ასევე გაიმეორა კრიტიკა, რომ ტრამპი ხშირად მისი წინამორბედის, ბარაქ ობამას მსგავსად მოქმედებს.
“ეს არის ამერიკის შეერთებული შტატებიდან სიცხადის და ვალდებულების ნაკლებობა, რაც მთელ მსოფლიოში არასტაბილურობას ქმნის”, _ განაცხადა მან.
შემდეგ მან გაიხსენა, რომ 2012 წელს ბარაქ ობამამ სირიის პრეზიდენტს ბაშარ ალ- ასადს ქიმიური იარაღის გამოყენების შესახებ მიმართა. ასადის შეიარაღებულმა ძალებმა კი თავდასხმა მომდევნო წელს დამასკოს გარეუბანში განახორციელეს.
“წარსულში ამერიკა წითელი ხაზების შესახებ ლაპარაკობდა და ამ წითელ ხაზებს არ მიჰყოლია. ბევრი ამტკიცებს, რომ სხვებისთვის გამიზნული იყო ისეთი ქმედებები, როგორიც მათ არ სურდათ”, _ განაცხადა პენსმა.
