4 წლის ბავშვს მუნიციპალური ავტობუსი დაეჯახა. შემთხვევა რუსთავში, ცემენტის ქარხნის მიმდებარედ მოხდა.
“ინფო რუსთავის” ინფორმაციით, მცირეწლოვანი ადგილზე მყოფმა პირებმა საკუთარი ავტომობილით, გარდაბანში “ჯეო-ჰოსპიტალსში” გადაიყვანეს, თუმცა ექიმის ინფორმაციით, ის სამედიცინო დაწესებულებაში შეყვანისას უკვე გარდაცვლილი იყო.
“უბედური შემთხვევის ადგილიდან შემოიყვანეს პაციენტი, რომელსაც არცერთი სასიცოცხლო ნიშანი არ ჰქონდა. იყო გარდაცვლილი”, – განაცხადა მორიგე ექიმმა რაგილია მამედოვამ.
შემთხვევის ადგილზე მობილიზებული იყო საპატრულო პოლიციისა და სასწრაფო დახმარების ეკიპაჟები. ადგილზე იმყოფებოდნენ რუსთავის მუნიციპალური ავტოტრანსპორტის საწარმოს წარმომადგენლები.
მომხდარზე დაწყებულია გამოძიება.
წყარო: ინფო რუსთავი
