“ქართულმა ოცნებამ” კანონმდებლობაში არაერთი ცვლილება დააანონსა. მათ შორის, “ოცნების” გადაწყვეტილებით, სისხლის სამართლის კოდექსში “სამშობლოს ღალატის” მუხლი აღდგება, რომელიც მამუკა მდინარაძის განცხადებით, აგვისტოს ომამდე, 2007 წლის აპრილში მაშინდელმა ხელისუფლებამ, “ნაციონალურმა მოძრაობამ” გააუქმა.
“ოცნების” გადაწყვეტილებას უარყოფითად აფასებს ჩოხატაურის საკრებულოს წევრი, “კოალიცია ცვლილებებისთვის” წარმომადგენელი ბაჩო ახალაძე.
“ქართული ოცნების” ამ გადაწყვეტილებას უარყოფიად შევაფასებ, ვინაიდან ძალიან ბევრი რისკები ახლავს აღნიშნულ კანონს, მათ შორის არის გასათავალისწინებელი:
პოლიტიკური ანგარიშსწორება – ხელისუფლებას შეუძლია ე.წ. „მოღალატის“ იარლიყი მიანიჭოს ნებისმიერ კრიტიკოსს.
ბუნდოვანი დეფინიცია – თუ მუხლი არ იქნება მკაფიოდ გაწერილი, ნებისმიერ ადამიანს შეიძლება სამშობლოს ღალატში დასდონ ბრალი.
საზოგადოებრივი შიშის გაზრდა – ადამიანები შეიძლება მოერიდონ სახელმწიფო პოლიტიკის კრიტიკას, რამაც დემოკრატიული დისკუსია შეიძლება შეზღუდოს.
თუ შესაბამისი სამართლებრივი მექანიზმები და კონტროლის მექანიზმები არ დაინერგება, მუხლი შეიძლება გამოყენებულ იქნას პოლიტიკური ოპონენტების წინააღმდეგ. ამიტომ, მისი შემოღება თუ მაინც და მაინც აუცილებელია ეროვნული უსაფრთხოებიდან გამომდინარე უნდა მოხდეს კონკრეტული დეფინიციებით, მკაფიო კრიტერიუმებით და დაცვის მექანიზმებით, რათა არ შეილახოს სამართლიანი სასამართლოსა და სიტყვის თავისუფლების პრინციპები.
“ქართული ოცნების” პირობებში საკმაოდ მაღალია ამ მუხლის ბოროტად გამოყენების რისკი განსაკუთრებით ისეთ ქვეყნაში, როგორიც საქართველოა, სადაც დემოკრატიული ინსტიტუტები ბოლომდე არ არის გამყარებული.
ხელისუფლებას შეიძლება გაუჩნდეს ცდუნება, რომ სამშობლოს ღალატის მუხლი გამოიყენოს პოლიტიკური ოპონენტების, ჟურნალისტების ან აქტივისტების წინააღმდეგ, სინამდვილეშიც ასე აქვთ ჩანაფიქრი”,_ განაცხადა ბაჩო ახალაძემ “გურია ნიუსთან”.
ინფორმაციისთვის, გუშინ გამართულ ბრიფინგზე განაცხადა, რომ “სამშობლოს ღალატის” მუხლის გარდა, მიმდინარე კვირაში დაინიცრდება „ფარა”-ს ამერიკული კანონი, „მედიის კანონი“, რომელიც ძირითადად „ფეიკ ნიუსებს“ შეეხება და იქნება ბრიტანული მოდელის პრინციპების გათვალისწინებით მიღებული. ასევე დარეგისტრირდება იმ კანონების პირველადი ვერსიები, რომელიც შეეხება საჯარო სამსახურში უცხოური წყაროდან სარგებლის მიღების შეზღუდვას.
