ამერიკის შეერთებული შტატების პრეზიდენტის, ჯო ბაიდენის განცხადებით, რუსეთის პრეზიდენტის მიერ ტაქტიკური ბირთვული იარაღის გამოყენების შესახებ მუქარა “რეალურია”.
შაბათს, ბაიდენმა პუტინის განცხადებას, რომ რუსეთმა ბელარუსში თავისი პირველი ტაქტიკური ბირთვული იარაღი განათავსა, “აბსოლუტურად უპასუხისმგებლო” უწოდა.
“როდესაც აქ ვიყავი დაახლოებით ორი წლის წინ და ვამბობდი, რომ ვნერვიულობდი მდინარე კოლორადოს დაშრობაზე, ყველა ისე მიყურებდა, თითქოს გიჟი ვიყავი. ისინი ასევე მიყურებდნენ, როცა ვთქვი, რომ ვღელავ, პუტინის მიერ ტაქტიკური ბირთვული იარაღის გამოყენებაზე. ეს რეალურია”, – განაცხადა ბაიდენმა ორშაბათს კალიფორნიაში, დონორთა ჯგუფის შეხვდრაზე.
ცნობისთვის, გასულ კვირას ბელორუსიის პრეზიდენტმა ალექსანდრე ლუკაშენკომ თქვა, რომ მისმა ქვეყანამ რუსული ტაქტიკური ბირთვული იარაღის მიღება დაიწყო, რომელთაგან ზოგიერთი, მისი თქმით, სამჯერ უფრო ძლიერია, ვიდრე აშშ-ს მიერ 1945 წელს ჰიროშიმასა და ნაგასაკზე ჩამოგდებული ატომური ბომბი.
საბჭოთა კავშირის დაშლის შემდეგ რუსეთის ფედერაციის ასეთი ქობინების განლაგება – უფრო მოკლე მოქმედების, ნაკლებად მძლავრი ბირთვული იარაღი, რომელიც შეიძლება გამოყენებულ იქნას ბრძოლის ველზე – რუსეთის ფარგლებს გარეთ, პირველი ნაბიჯია.
შეერთებულმა შტატებმა განაცხადა, რომ არ აპირებს შეცვალოს თავისი პოზიცია სტრატეგიულ ბირთვულ იარაღზე განლაგების საპასუხოდ და არ უნახავს რაიმე ნიშანი იმისა, რომ რუსეთი ემზადება ბირთვული იარაღის გამოსაყენებლად.
მაისში რუსეთმა უარყო ბაიდენის კრიტიკა ბელორუსში ტაქტიკური ბირთვული იარაღის განლაგების გეგმის შესახებ და თქვა, რომ აშშ ათწლეულების მანძილზე ახორციელებდა ასეთ ბირთვულ იარაღს ევროპაში განლაგებას.
რუსეთის განლაგებას ყურადღებით აკვირდებიან შეერთებული შტატები და მისი მოკავშირეები, ისევე როგორც ჩინეთი, რომელიც არაერთხელ აფრთხილებდა უკრაინის ომში ბირთვული იარაღის გამოყენების შესახებ.
ავტორი
