ავტოსაგზაო შემთხვევა მოხდა ბათუმში. რუსთაველის ქუჩაზე 2 მოზარდს მსუბუქი ავტომობილი დაეჯახა.
დაშავებულები სასწრაფო დახმარებამ ბათუმის დედათა და ბავშვთა ცენტრში გადაიყვანა.
გოგონებს დაზიანება თავის არეში აქვთ მიღებული.
ამ დროისთვის ისინი გამოკვლევაზე იმყოფებიან, რის შემდეგაც, დადგინდება დაზიანების ხარისხი და მათი ჯანმრთელობის მდგომარეობა.
მომხდართან დაკავშირებით მიმდინარეობს გამოძიება.
