„ბავშვების ვაქცინაციის გარეშე რთული იქნება, დავძლიოთ და შევქმნათ სრული იმუნური ფენა საზოგადოებაში“, _ ამის შესახებ ჯანდაცვის მინისტრის მოადგილემ, თამარ გაბუნიამ განაცხადა.
მისი განმარტებით, ბავშვების დაცვის მხრივ აუცილებელია ოჯახის წევრების აცრა, ასევე ჩვილი ბავშვების დაცვის მიზნით საჭიროა, ორსულების აცრა. მინისტრის მოადგილემ აღნიშნა, რომ ამ დროისთვის საქართველოში 10-მდე ბავშვია აცრილი 12-16 ასაკობრივ ჯგუფში.
„ბავშვების ვაქცინაციასთნ დაკავშირებით იყო მსჯელობა ვაქცინაციის საბჭოზე და ჩვენი განწყობა არის ამგვარი, რომ დაველოდოთ ჯანმოს რეკომენდაციებს. ერთეული ჯგუფის ვაქცინაცია ექსპერტების გადაწყვეტილებით ხდება. იყო ერთეული შემთხვევა 12-16 ასაკობრივ ჯგუფში, რომელიც საქართველოში ავცერით, რადგან მოზარდს ჰქონდა თანმხლები მძიმე დაავადება და რისკი კორონავირუსის ინფიცირების შემთხვევაში იქნებოდა სასიცოცხლო“, – განაცხადა გაბუნიამ.
