უკრაინის ერთ-ერთი უმდიდრესი ბიზნესმენი მეუღლესთან ერთად მოკლეს სამხრეთ ქალაქ მიკოლაივის რუსული “მასიური” დაბომბვისას. – ამის შესახებ BBC წერს.
გამოცემა წერს, რომ 74 წლის ოლექსი ვადატურსკი და მისი მეუღლე რაისა დაიღუპნენ, როდესაც რაკეტა მათ სახლს ღამით მოხვდა.
ვადატურსკი ფლობდა Nibulon-ს ჯგუფს, რომელიც მონაწილეობდა მარცვლეულის ექსპორტში. მას ასევე მიღებული ჰქონდა პრემია “უკრაინის გმირი”.
მიკოლაივის მერმა, ალექსანდრე სენკევიჩმა თქვა, რომ ეს, ალბათ, ყველაზე ძლიერი რუსული დაბომბვა იყო ქალაქზე.
მისი თქმით, დაზიანდა სასტუმრო, სპორტული კომპლექსი, ორი სკოლა და ავტოგასამართი სადგური, ასევე საცხოვრებელი სახლები.
მიკოლაივი უკრაინის მთავარი პორტის, ოდესისკენ მიმავალ მთავარ მარშრუტზეა და არაერთხელ მოხვდა დაბომბის ქვეშ.
რეგიონის ლიდერმა ვიტალი კიმმა თქვა, რომ ბატონმა ვადატურსკიმ „ბევრი გააკეთა მიკოლაივის რეგიონისთვის, ბევრი რამ უკრაინისთვის. მისი წვლილი სოფლის მეურნეობისა და გემთმშენებლობის ინდუსტრიის განვითარებაში, რეგიონის განვითარებაში ფასდაუდებელია“, – განაცხადა მან Telegram-ზე.
Nibulon-მა ააშენა მრავალი საწყობი და სხვა ინფრასტრუქტურა მარცვლეულის ექსპორტისთვის .
უკრაინა და რუსეთი ხორბლისა და სხვა მარცვლეულის ძირითადი ექსპორტიორები არიან და ომის შედეგად გამოწვეულმა ექსპორტის შეფერხებამ გამოიწვია საკვები პროდუქტების ფასების მატება მთელ მსოფლიოში.
გასულ კვირას თურქეთში ორმა ქვეყანამ გაეროს შუამავლობით ხელი მოაწერა შეთანხმებას, რომელიც მიზნად ისახავს სასურსათო კრიზისის შემსუბუქებას. მაგრამ უკრაინული გადაზიდვები სავარაუდოდ ნელი იქნება უსაფრთხოების მკაცრი შემოწმებების ფონზე.
ავტორი
