უკრაინის შეიარაღებულმა ძალებმა ცეცხლის ქვეშ მოაქციეს ქალაქი შებეკინო და ბელგოროდის ოლქის რამდენიმე სოფელი – ამის შესახებ განაცხადა რეგიონის გუბერნატორმა ვიაჩესლავ გლადკოვმა.
მისი თქმით, შებეკინოში ორ სამრეწველო საწარმოს თავს დაესხნენ.
გლადკოვის თქმით, დაბომბვის შედეგად ოთხი ადამიანი დაშავდა.
გუბერნატორის ინფორმაციით, სოფელ ნოვაია ტავოლჟანკაში ელექტროგადამცემი ხაზები დაზიანდა – შედეგად, სოფლები ნოვაია ტავოლჟანკა, შამინო და არხანგელსკოე ელექტროენერგიის გარეშეა დარჩენილი.
ასევე ბომბი მოხვდა, გრეივორონსკის რაიონის სოფელ კოზინკაში სასტუმროსა და ავტოსამრეცხაოს შენობას, რის შედეგადაც ცეცხლი გაჩნდა.
დღეს რუსულმა Telegram-ის არხებმა ბელგოროდის რეგიონში დაბომბვის ფოტოები და ვიდეოები გამოაქვეყნეს. ამ ვიდეოებში ისმის სირენა და მოჩანს შავი კვამლი.
ცნობისთვის, უკრაინის მიერ ბელგოროდის დაბომბვის შესახებ ცნობები მას შემდეგ გაჩნდა, რაც პუტინის მოწინააღმდეგე რუსეთის მოქალაქეების ჯგუფმა, რომლებიც უკრაინის არმიის მხარეს იბრძვიან, აიღო პასუხისმგებლობა რუსეთის სამხრეთ-დასავლეთ რეგიონში, ბელგოროდში განხორციელებულ თავდასხმებზე.
უკრაინის მთავრობამ დისტანცირება მოახდინა რუსი მებრძოლებისგან და განაცხადა, რომ „უკრაინაში ეს დანაყოფები თავდაცვისა და უსაფრთხოების ძალების ნაწილია. რუსეთში ისინი მოქმედებენ, როგორც დამოუკიდებელი სუბიექტები.
ავტორი
