“მეგობრებო, ბევრი მეთოდით გაყალბდა არჩევნები, მაგრამ ამხელა რიცხვზე როგორ ავიდნენ? მე მოგიყვებით მასიურად რაც ხდებოდა”,_ წერს სოციალურ ქსელში კავშირი „საფარის” ხელმძღვანელი, უფლებადამცველი ბაია პატარაია.
“ერთ-ერთ იმ მეთოდს – საკუთარი პასპორტით, მაგრამ სხვისი პირადი ნომრის გამოყენებით გაყალბება, კერძოდ:
1. გაყალბება იწყებოდა იმით, რომ არ მოწმდებოდა მარკირება. იყო დიდი შედი-გადი თბილისის უბნებზეც კი და ერთხელ მარკირებული ხალხი უპრობლემოდ ხვდებოდა უბანზე.
2. ტიპი მიდიოდა საკუთარი პასპორტით, მაგრამ ცესკოს თანამშრომელს კარნახობდა სხვა ადამიანის პირად ნომერს. კორუმპირებულ ცესკოს თანამშრომელს ხელით შეყავდა სხვისი პირადი ნომერი და აძლევდა ბიულეტენს და ხმის მიცემის უფლებას.
3. ვინ იყო ეს ხალხი, ვინ დადიოდა უბნიდან უბანზე თავისი პასპორტით და სხვების პირადი ნომრებით? უმეტესად ესენი იყვნენ კაცები, დასაქმებულები საჯარო/ძალოვან სისტემაში. ქოცებისთვის სანდო ხალხი.
4. რას ახერხებდა დამკვირვებელი? აფიქსირებდა, რომ ტიპს ან საერთოდ არ შეუმოწმეს ხელი, ან მაინც შეუშვეს (მანდარინი ჭამაო), ან არც ასამდნენ საერთოდ მარკირებას. დამივირვებელი ვერ იგებდა, რო ტიპი სხვის პირად ნომერს კარნახობდა და არა თავისას. მაგის გაგების მხოლოდ ერთი გზა არსებობს ისედაც. უყურო ცესკოს ეკრანს და ადამიანი შეადარო იქ გამოჩენილ ფოტოს. ამას ბევრი ვერ აკეთებდა, იმიტომ რომ ცესკომ ეს მაგიდები მიადგა კედელს და დამკვირვებელს არ მისცა ცესკოს მომცრო ეკრანზე ყურების საშუალება. მიუხედავად ამისა, “ჩემი ხმის” დამკვირვებლებმა მაინც მოახერხეს ასეთი შემთხვევების დაფიქსირება, რასაც მოყვებოდა დამკვირვებლის გაძევება ან მაგიდასთან მიახლოების აკრძალვა და ხელის შეშლა.
5. ამას ხომ ასობით/ათასობით ადამიანის ჩართულობა სჭირდება? კი, და ჩვენდა საუბედუროდ უამრავი ადამიანი მართლა მონაწილეობდა ან თვალს ხუჭავდა ამაზე და ამას ადასტურებს თითქმის ყველა დამკვირვებელი. საჩივრის წერას თუ დააპირებდა დამკვირვებელი იწყებოდა უდიდესი ჩხუბი, დებოში, გადარწმუნება და ხელის შეშლა. პლუს დამკვირვებლები იმოყოფებოდნენ სახიფათო და დაძაბულ ვითარებაში. უბნის გარეთ და შიგნით დაძრწოდა შპანა და რიგ შემთხვევებში ჩვენი დამკვირვებლების ევაკუაციაც კი დაგვჭირდა, ზოგი კი თავად გამოგვიგდეს.
პ.ს. გააზიარეთ ეს პოსტიც და თქვენ თუ ნახეთ რამე გაყალბება, ისიც მოგვიყევით ჰეშთეგით #მევნახეგაყალბება”_ წერს ბაია პატარაია.
