ჩაჩავას კლინიკა ვიდეოს და ამბავს ავრცელებს, როგორ მოევლინა პატარა ქვეყანას დერეფანში სტუმრებისა და პაციენტების თვალწინ.
“დღეს ჩაჩავაში ვაქცინაციაზე ვიყავი, აცრის კაბინეტიდან გამოსული ამ საოცარი ამბის მომსწრე გავხდი. სამშობიაროს მიმიღებში იმ წუთის შემოსული ქალი ბლოკში მიჰყავდათ, მაგრამ პატარამ ძალიან იჩქარა და იქ მყოფი ადამიანები ქვეყნად ყველაზე დიდი სასწაულის მომსწრე გაგვხადა.
ისე წამებში მობილიზდა ყველა, ექიმიც, სტუმარიც, დირექტორიც. იმხელა სითბო იგრძნობოდა პერსონალის და ჩემნაირი შემთხვევითი ადამიანების მხრიდან, რომ ცრემლებს ვერ ვიკავებდით, ამიტომაც მიყვარხართ ჩაჩაველები. დარწმუნებული ვარ, დედაც და ბავშვიც კარგად არიან”.
