22 ნოემბრის მონაცემებით, საქართველო 100 000 სულ მოსახლეზე კორონავირუსის გავრცელების შემთხვევების მიხედვით, მსოფლიოში პირველი ადგილზეა, _ ამის შესახებ ინფორმაციას New York Times ავრცელებს
New York Times-ს მონაცემების მიხედვით, საქართველოში ბოლო შვიდი დღის განმავლობაში, COVID-19-ით ინფიცირების ახალი შემთხვევების საშუალო რიცხვია 3 579.1 ადამიანი, რომელიც 100 000 სულ მოსახლეზე 95,9 ახალ ინფიცირებულ შემთხვევას გულისხმობს.
გამოცემის მონაცემები დაანგარიშებულია ქვეყნის მოსახლეობის რაოდენობის ბოლო შვიდი დღის განმავლობაში ახალი ინფიცირების შემთხვევების საშუალო არითმეტიკული რიცხვზე შეფარდებით.
ბოლო 7 დღის მონაცემებით, კორონავირუსით ინფიცირების ყველაზე მძიმე მდგომარეობა აქვს ლუქსემბურგს, მე-3 ადგილზეა მონტენერგო, მე-4 ადგილზეა სერბეთი, ხოლო ანდორა მე-5 ადგილზე.
რაც შეეხევა სამხრეთ კავკასიის რეგიონს, New York Times-ს მიხედვით, ბოლო შვიდი დღის მონაცემებით, საქართველო რეგიონის ყველა ქვეყანას უსწრებს. აღსანიშნავია ის ფაქტი, რომ კორონავირუსის გავრცელებით უსწრებს სომხეთს, სადაც ფართომაშტაბიანი გავრცელება ბევრად ადრე დაიწყო, ვიდრე საქართველოში.
ბოლო მონაცემებით, სომხეთში 126 709 დადასტურებული შემთხვევაა. სომხეთში, New York Times -ს მონაცემებით, ბოლო შვიდი დღის განმავლობაში საშუალოდ 1 269.6 ადამიანი დაინფიცირდა, რაც 100 000 სულ მოსახლეზე 43-ე ადგილზეა
რეგიონში, შედარებით ყველაზე კარგი მდგომარეობა აქვს აზერბაიჯანს, სადაც გამოცემის მონაცემებით. ბოლო შვიდი დღის განმავლობაში, საშუალოდ 2 486.6 ინიფიცირების ახალი შემთხვევა დაფიქსირდა, მაგრამ 100 00 სულ მოსახლეზე ახალი შემთხვევების რიცხვი მხოლოდ 25-ია, რაც აზერბაიჯანის მოსახლეობის მრავალრიცხოვნობით არის გამოწვეული.
