2021 წლის 26 სექტემბერს, ბახვი 1 ჰიდროელექტროსადგურის პროექტის განმახორციელებელი კომპანია CCEH HYDRO VI-ის ინიციატივით, კომპანიის თანამშრომლებმა, ბახვი 1 ჰიდროელექტროსადგურის გარემოსდაცვით და სოციალურ საკითხებზე მომუშავე მრჩეველთა საბჭოს წევრებთან, კავკასიის გარემოსდაცვითი არასამთავრობო ორგანიზაციების ქსელის (CENN), სოციალური საწარმო „3D საამქრო“ და სამოქალაქო საზოგადოების სხვა წარმომადგენლებთან ერთად, კურორტ ბახმაროში დასუფთავების აქცია გამართეს. აქციას შემოუერთდნენ ადგილობრივი მოხალისეებიც.
30-მა მოხალისემ რამდენიმე საათის განმავლობაში დაასუფთავეს ჩოხატაური-ბახმაროს გზის მიმდებარე ფერდობი და ბახმაროში ე.წ. „ბაზრის“ მიმდებარე ტერიტორია, რაც ჯამურად დაახლოებით 1 ჰექტარი მიწის ფართობია.
ამ აქციის მიზანი, ერთის მხრივ, ბახმაროს გარკვეული მონაკვეთების დასუფთავება, მეორეს მხრივ კი, გარეოსდაცვითი ცნობიერების ამაღლება და მისი სწორედ მართვა იყო.
კომპანია CCEH HYDRO VI-ის გარემოსდაცვითი და სოციალური საკითხების მენეჯერმა, დავით მიქელაძემ გვითხრა, რომ კომპანიის თანამშრომლები ხშირად სტუმრობენ ბახმაროს, ხვდებიან ადგილობრივებს და ეცნობიან აქ არსებულ პრობლემურ საკითხებს. შესაბამისად, საზაფხულო სეზონის დასასრულს ძალიან ბუნებრივიც იყო მათთვის ამ აქციის დაგეგმვა.
„ბახვი 1 ჰიდროელექტროსადგურის პროექტის ფარგლებში, საკმაოდ ხშირად გვიწევს ოზურგეთისა და ჩოხატაურის მუნიციპალიტეტებში მიმოსვლა. მოგეხსენებათ, მუდმივად ვმართავთ შეხვედრებს სხვადასხვა დაინტერესებულ ჯგუფებთან, გვიწევს ვიზიტები ბახმაროშიც. ვიფიქრეთ, ტურისტული სეზონის დასასრული კარგი პერიოდია, ბახმაროში იმ ადგილების დასასუფთავებლად, სადაც მთელი სეზონის მანძილზე აქტიურად გადაადგილდებოდნენ ადამიანები. ჩვენს თავზე ავიღეთ ინიციატივა და ორგანიზება გავუკეთეთ ამ აქციას. დღევანდელი დღე, კარგი მაგალითია ერთი იდეით შეპყრობილი ადამიანების გაერთიანებისა. მიხარია, რომ მოვახერხეთ, სხვადასხვა ორგანიზაციის წარმომადგენლები გამოვედით და ერთიანი ძალისხმევით, წინასწარ შერჩეული ადგილების დასუფთავება მოვახერხეთ“.
აღნიშნულ აქციამდე, კურორტზე წინადღით მოულოდნელად მოსული შემოდგომის თოვლმა, მალევე დნობა დაიწყო, თუმცა, როგორც აქციის მონაწილეებმა თქვეს, ეს ერთგვარი განწყობის სტიმულიც იყო ბუნების მხრიდან.
დავით თენიეშვილი, წარმატებული ფერმერი:
_ კურორტზე, წინ დღის თოვლის შემდეგ, განსაკუთრებით დაბალანსებული ამინდი დაგვხვდა. _ „სექტემბრის თოვლიც“მოვიდა. ასე ვთქვათ, თოვლიც „გვეხმარება “– მთები, გორები სისუფთავის სიმბოლოთი, თეთრი ფერით მოავარაყა. გზის მონაკვეთები და ცალკეული ადგილების დასუფთავებაში ხელს არ შეგვიშლის. – აქ მხოლოდ მეთოვლიეები დგანან „სმენაზე“– ჩვენც დაგეხმარებითო.
აქციის მონაწილეებმა დასუფთავების აქცია ჩოხატაურის ქუჩიდან დაიწყეს _ მათ დაასუფთავეს გზისპირა ადგილები, საცხოვრებელი სახლების გასწვრივ და მიმდებარე ტერიტორიზე შეაგროვეს პოლიეთილენის ბოთლები, სხვადასხვა ნარჩენები.
მიუხედავად იმისა, რომ ბახმაროში განთავსებულია ნაგვის ურნები, პერიოდულად დადის ნაგავშემკრები მანქანაც, ამ ფაქტორმა მაინც ვერ აღკვეთა სტიქიური ნაგავსაყრელების არსებობა.
ბახმაროს დასუფთავების აქციაზე აქტიურ მონაწილოებას იღებდა ბახმაროს დირექტორი, ბატონი დავით საჯაია. მანვე უზრუნველჰყო აქციის ფარგლებში მოგროვილი ნარცენების გატანა ნაგავშემკრები მანქანებით.
„გურია ნიუსი“ ა(ი)პ ბახმაროს“ დირექტორს, დავით საჯაიას ესაუბრა.
_ „არაერთი მითითება ეძლევა ყველა მცხოვრებს, დამსვენებელს, რომ ისარგებლონ მხოლოდ სანაგვე ურნებით. ხანდახან , შესაძლოა, მოხდეს გადატვირთვა, როცა სეზონია და დამსვენებელთა რაოდენობა პიკს აღწევს, თუმცა ჩოხატაურის მომსახურების სერვისცენტრი ახერხებს საქმის გაძღოლას. ის ფაქტი, რომ ცალკეული ადამიანები იჩენენ უდიერ დამოკიდებულებას და მათი რიცხვი არც ისე ცოტაა, ეს არის მათი შინაგანი კულტურის სამწუხარო გამოვლინება. და ასეთი აქციები ძალიან კარგია, ადამიანთა ასეთ ჯგუფების ჩართულობისთვის. მეც თქვენთან ერთად ვიყავი ამ აქციაზე და გეტყვთ იმასაც, რომ ამ ზაფხულს აქ სტუდენტთა არაერთი მოხალისე ჯგუფი იმყოფებოდა, რომლებმაც ასევე არაერთხელ დაასუფთავეს კურორტის ტერიტორია“- განაცხადა ბატონმა დავით საჯაიამ.
კავკასიის გარემოსდაცვითი არასამთავრობო ორგანიზაციების ქსელის (CENN) აჭარა – გურიის რეგიონების წარმომადგენელი, ირაკლი მიქელაძე
_ „ჩვენ გარემოს დაცვითი ორგანიზაციები ვართ, რომლებიც გარემოს დაცვისა და სოფლის განვითარების მიმართულებით, სხვადასხვა პროექტს ვახორციელბთ. როგორც კი ამ დასუფთავებს აქციის შესახებ მივიღეთ შეთავაზება, ჩავერთეთ აქციაში. ამ ყველაფერს დიდი მნიშვნელობა აქვს მოსახლეობის ცნობიერების ამაღლების კუთხით. ძალიან კარგი იქნება, თუ მოსწავლეებიც ჩაებმებიან ამ საქმეში. რაც უფრო ხშირად განხორციელდება ასეთი აქციები, მით უფრო სწრაფად დადგება შედეგი. ტურისტული სეზონის დასასრული კარგი პერიოდია ბახმაროში იმ ადგილების დასასუფთავებლად, სადაც მთელი სეზონის განმავლობაში აქტიურად გადადგილდებოდნენ ადამიანები. ეს დღე საუკეთესო მაგალითია იდეით შეპყრობილი ადამიანების გაერთიანებისა. ვიმედოვნებ, მსგავსი აქციები ხშირად ჩატარდება“.
აქციის მონაწილე ახალგაზრდებმა, სოციალურ საწარმო „3D საამქროს“ წარმომადგენლებმა: ვახტანგ დოლიძემ, საბა სირაძემ, დავით ვაშაყმაძემ თქვეს, რომ ნარჩენების მართვა რაც ეკოლოგიურ წესრიგს განაპირობებს, მათი პროფესიული საქმიანობის ნაწილია.
_ნებისმიერ ასეთ წამოწყებას ენთუზიაზმთ შევხვდებით, რაც გარემოს უკეთესობისკენ შეცვლის. დასანანია, რომ ადგილობრივი მცხოვრებლები თუ დამსვენებლები არ იჩენენ სათანადო სურვილს და ყურადღებას, იცხოვრონ დასუფთავებულ, განწყობის მომნიჭებელ გარემოში. თუმცა მათ ჩვენ უნდა მივცეთ მაგალითი, გავუჩინოთ სურვილი, რომ თავადაც ხშირად მოაწყონ დასუფთავების აქციები საკუთარი ოჯახის კარის იქეთ. ზოგადად კი, დასუფთავების აქცია ბახმაროში, პერმანენტულად უნდა გაგრძელდეს _ განაცხადეს ახალგაზრდებმა.
მსგავსი კამპანიები, რომელიც პირველ რიგში გარემოსდაცვითი ცნობიერების ამაღლებას ემსახურება, გამოიღებს შედგეს და თითოეული ადამიანი, მაცხოვრებელი იქნება თუ დამსვენებელი, იზრუნებს იმ გარემოზე, რომელიც მას აღაფრთოვანებს საკუთარი მომაჯადოებელი ბუნებით, თუ სუფთა ჰაერით. მაგალითის მიცემა კი ამ მეტად მნიშვნელოვან საკითხში, ყველაზე მნიშვნელოვანია.
[sexy_author_bio]
