ლუიზიანაში მდებარე ბუდისტური ტაძრის ლიდერს სექსისთვის ვიეტნამელი მონაზვნების დაქირავებაში ადანაშაულებენ. ამის შესახებ ინფორმაციას nextshark ავრცელებს.
„ქუიენ ვან ჰოს ამორალური ქმედებების გამო ყველა ბერმა, მონაზონმა და ახალბედამ (გარდა თავად კვიენ ვან ჰო და ერთი სხვა ბერისა) დატოვა ტამ ბაოს ტაძარი. ამის გამო წევრობა შემცირდა და, შესაბამისად, შემცირდა ტაძრის წევრების მიერ თანხების მოზიდვის შესაძლებლობა“, – ნათქვამია აპრილში შეტანილ სარჩელში.
ტაძრის წევრებმა მოითხოვეს ჰოს ტაძრიდან გაყვანა მას შემდეგ, რაც მას 2018 წლის გაზაფხულზე მონაზვნის განაყოფიერებაში დასდეს ბრალი. მან ის სავარაუდოდ დააბრუნა ვიეტნამში მას შემდეგ, რაც კლინიკამ უარყო აბორტის პროცედურა, რადგან უკვე დაგვიანებული იყო.
ჰომ უარყო ბრალდებები მის წინააღმდეგ. ორშაბათს, ბატონ რუჟში წინასწარი სასამართლო განხილვის შემდეგ, იგალ ბანდერმა, ჰოს ერთ-ერთმა ადვოკატმა, პრეტენზიებს უწოდა “ცილისმწამებელი სიცრუე”.
ბანდერი ამტკიცებდა, რომ მოსარჩელეებს არ ჰქონდათ მტკიცებულებები და აღნიშნა, რომ საზოგადოების „აბსოლუტური უმრავლესობა“ მხარს უჭერს ჰოს.
„სასამართლოები არ არიან იქ იმისთვის, რომ გადაწყვიტონ, ვინ არის კარგი მოძღვარი, პასტორი უნდა დაიქირაონ თუ გაათავისუფლონ, ასრულებს თუ არა პასტორი თავის რწმენას“, – თქვა ბანდერმა.
ჯერ არ არის ცნობილი, მიიღებს თუ არა სასამართლო გადაწყვეტილებას სარჩელზე, რადგან ის, სავარაუდოდ, ერევა პირველი შესწორების დაცვაში, რომელიც კრძალავს მთავრობას ჩაერიოს რელიგიის თავისუფალ განხორციელებაში.
”ხელისუფლებას არ შეუძლია აირჩიოს ვინ არიან ჩვენი რელიგიური ლიდერები,” – განუცხადა BRProud News-ს ჰოს ერთ-ერთმა ადვოკატმა ტანერ ვუდსმა.
ორშაბათის მოსმენაზე მოსამართლემ შესთავაზა თემის წევრებს თავად ჩაატარონ შიდა არჩევნები, რათა დადგინდეს ჰოს ბედი ტაძარში.
ჰო ხელმძღვანელობდა ბუდისტურ ტაძარს 2003 წლიდან. მოსარჩელეები აცხადებდნენ, რომ ჰოს სექსუალურ შეურაცხყოფას წლების განმავლობაში ითმენდნდნენ სამოქალაქო სარჩელის შეტანამდეც კი. მან, სავარაუდოდ, აიყვანა ვიეტნამელი მონაზვნები სექსუალური მიზნებისთვის და დაუშვა სექსუალური ურთიერთობა ბერებსა და მონაზვნებს შორის ტაძარში, მიუხედავად უქორწინებლობის აღთქმისა.
ტაძრის წევრი ფუონგ ლე, რომელიც ერთ-ერთი მოსარჩელეა, ასევე ამტკიცებდა, რომ ჰქონდა მტკიცებულებები სექსუალური ხასიათის ტექსტური შეტყობინებებისა და ფოტოების შესახებ, რომლებიც გაგზავნეს ჰომ და სხვა ბერმა 2020 წელს, რაც ბანდერმა უარყო.
„ჩემი პირადი გადაცდომის შესახებ არცერთი ბრალდება არ შეესაბამება სიმართლეს“,_ უთხრა ჰომ BRProud News-ს. “მინდა, რომ ეს არჩევნები რაც შეიძლება მალე ჩატარდეს.”
საზოგადოების წევრებმა, მათ შორის მაია ტრანმა და ლილა ტონმა, გამოხატეს მხარდაჭერა მოსარჩელეების მიმართ ორშაბათს მოსმენაზე დასწრებით.
