“ქვეყნის მასშტაბით 73 მუნიციპალიტეტში, ქალაქში, რაიონში ჩატარდება არჩევნები და „ენმ-ის“ ამომრჩევლები აირჩევენ რაიონულ, საქალაქო ორგანიზაციების თავმჯდომარეებს და პოლიტიკური საბჭოს წევრებს,“ – განაცხადა „ერთიანი ნაციონალური მოძრაობის“ თავმჯდომარემ, ლევან ხაბეიშვილმა
დღეს ლევან ხაბეიშვილმა ბრიფინგი ჩაატარა, სადაც „ ერთიანი ნაციონალური მოძრაობის“, 73 ოლქში თავმჯდომარის არჩევნებზე ისაუბრა. 73-ვე ე.წ საარჩევნო ოლქზე ჩატარდება არჩევნები და ყველა ქალაქის, თუ რაიონის თავმჯდომარეს აირჩევს „ ერთიანი ნაციონალური მოძრაობის“ ამომრჩეველი;
„უკანასკნელი ერთი თვის განმავლობაში „ნაციონალურმა მოძრაობამ“ სხვადასხვა მუნიციპალიტეტში და სხვადასხვა ქალაქში 45 ახალი ოფისი გახსნა. შესაბამისად, ინფრასტრუქტურა მზად არის იმისთვის, რომ დაპირებული არჩევნები ჩატარდეს აბსოლუტურად ყველა მუნიციპალიტეტში, ვგულისხმობ ცხადია ქალაქებს, რაიონების და დედაქალაქს. საუბარია 73 საარჩევნო ე.წ ოლქზე, სადაც ყველგან ჩატარდება არჩევნები და შესაბამისად, „ნაციონალური მოძრაობის“ ამომრჩევლები მიიღებენ გადაწყვეტილებას, ვინ უნდა იყოს ამა თუ იმ ქალაქში რაიონული ორგანიზაციის ხელმძღვანელი და ასევე ყველა რაიონს, ქალაქს, მუნიციპალიტეტს, ანუ 73-ვე ეყოლება პოლიტიკურ საბჭოში წარმომადგენელი,“ – განაცხადა ლევან ხაბეიშვილმა
მან ასევე თქვა, რომ 30 აპრილამდე შეიქმნება სამუშაო ჯგუფი და მიმართა ყველა დაინტერესებულ პირს, რომ 30 აპრილამდე „ნაციონალური მოძრაობის“ ცენტრალურ ოფისში მიმართონ წერილობით, რომ ჩაერთონ სამუშაო ჯგუფში ან თუ ექნებათ რაიმე სხვა ინიციატივა და ამასთან ერთად აღნიშნა, რომ 73-ვე ოლქს თავისი წარმომადგენელი პოლიტსაბჭოში;
„30 აპრილამდე უნდა შეიქმნას სამუშაო ჯგუფი და მინდა მივმართო ყველა დაინტერესებულ პირს, ადამიანს, ვისაც ბიძინა ივანიშვილის წინააღმდეგ ბრძოლაში სურს თუნდაც ერთი აგურის დადება, 30 აპრილამდე „ნაციონალური მოძრაობის“ ცენტრალურ ოფისში მოგვმართეთ წერილობით, რომ ჩაერთოთ სამუშაო ჯგუფში ან გაქვთ რაიმე სხვა ინიციატივა. 30 აპრილიდან სამუშაო ჯგუფს უკვე დაემატება კონკრეტული თარიღების გამოცხადება, წესის შემუშავება იმისთვის, რომ ყველა ქალაქში, რაიონში, მუნიციპალიტეტში არჩეული იქნენ ამომრჩევლების მიერ და არა დანიშნული პარტიის თავმჯდომარის, პოლიტიკური საბჭოს ან სამდივნოს მიერ. ყველა ორგანიზაციის თავმჯდომარე, რომლებსაც ასევე წარმომადგენლობა ეყოლება პოლიტიკურ საბჭოში. ანუ 73 პოლიტიკური საბჭოს წევრის მანდატი მთლიანად გადავეცით „ნაციონალური მოძრაობის“ ამომრჩეველს და აბსოლუტურად ყველას შეუძლია მიიღოს მონაწილეობა „ნაციონალური მოძრაობის“ წევრებს, მხარდამჭერებს, როგორც არჩევნებში, ასევე სამუშაო ჯგუფში რომ იყვნენ წარმოდგენილები ან აქვთ რაიმე ინიციატივა,“ – განაცხადა ლევან ხაბეიშვილმა.
