კოლექტიურ ნაცმოძრაობის კამპანიის გაგრძელებაა, სისულელეა ხელმოწერების შეგროვება იმ პირობებში, როდესაც ევროკომისიის დასკვნა არსებობს – აცხადებს ირაკლი კობახიძე პრეზიდენტ ზურაბიშვილის კამპანიაზე “შენი ხმას ევროპას”.
მან დღეს პრეზიდენტის იმ განცხადებას უპასუხა, სადაც სალომე ზურაბიშვილმა უკმაყოფილება გამოთქვა, რომ რეგიონებში ამ კამპანიის ფარგლებში ადგილობრივი თვითმმართველობები არ მონაწილეობენ.
“ზოგადად, მერები, საკრებულოს თავმჯდომარეები და ადგილობრივი თანამდებობის პირები არიან ჩვენი გუნდის წარმომადგენლები. მას შეუძლია ჩავიდეს წალენჯიხაში და დახვდება მისი პოლიტიკური გუნდის წარმომადგენელი, წალენჯიხის მერი. ჩვენი გუნდის წარმომადგენლები, რომ ნაცმოძრაობის წარმომადგენლებს არ ხვდებიან, ეს ხომ აბსოლუტურად ლოგიკურია….კომისიამ დადო დასკვნა, საბჭო იღებს ერთ კვირაში გადაწყვეტილებას, რა ხელმოწერებზეა საუბარი? უშინაარსო კამპანია ყოველთვის აფუჭებს, რა შუაშია, რა ხელმოწერები, რა შუაშია ეს ყველაფერი, აბსოლუტურად გაუგებარია. მეორე პრობლემა ისაა, რომ მოსახლეობის 80 პროცენტი მხარს რომ უჭერს ევროკავშირში გაწევრიანებას და 20 000 ხელმოწერა რომ აქვს შეგროვებული, ეს ხომ აფუჭებს საქმეს? რა თქმა უნდა, აფუჭებს საქმეს, ამიტომ ეს არის ჩვეულებრივი იაფფასიანი, კოლექტიური „ნაცმოძრაობის“ მორიგი კამპანია, რაშიც ჩვენი პოლიტიკური გუნდის წევრები, რა თქმა უნდა, ვერ ჩაერთვებიან”, _ ამბობს კობახიძე.
ინფორმაციისთვის, გუშინ ზურაბიშვილი კამპანია “ჩვენი ხმა ევროპას” ფარგლებში შეხვედრებს მართავს, მან აღნიშნა, რომ პრობლემაა, როცა რიგ მუნიციპალიტეტებში ადგილობრივი ხელისუფლების წარმომადგენლები მას არ ხვდებიან. მისივე თქმით, არის ფაქტები, როცა სკოლის მოსწავლეებზე მიმდინარეობს ზეწოლა, რომ შეხვედრას არ დაესწრონ. მან გააკრიტიკა თბილისის სახელმწიფო უნივერსიტეტის რექტორიც.
ზურაბიშვილი კამპანია “ჩვენი ხმა ევროპას” ფარგლებში დიდი ხანია შეხვედრებს მართავს, მან აღნიშნა, რომ პრობლემაა, როცა რიგ მუნიციპალიტეტებში ადგილობრივი ხელისუფლების წარმომადგენლები მას არ ხვდებიან. მისივე თქმით, არის ფაქტები, როცა სკოლის მოსწავლეებზე მიმდინარეობს ზეწოლა, რომ შეხვედრას არ დაესწრონ. მან გააკრიტიკა თბილისის სახელმწიფო უნივერსიტეტის რექტორიც:
“რაც უფრო ნათელი არის საზოგადოების მოთხოვნები და საზოგადოების გამოხატული მოთხოვნა, მით უფრო, პარტიები აეწყობიან ამ მოთხოვნებზე. ეს არის დემოკრატია რეალურად და არა პირიქით, რასაც სამწუხაროდ წლებმა და სხვადასხვა რეჟიმებმა მიგვაჩვია. მე ვწუხვარ ერთ რამეზე, რომ ამ უზარმაზარი, ეროვნული თანხმობის მიმართ, არის რაღაც გულგრილობა, მე ვიყავი სოფლებში, ჩემთვის ძალიან გაუგებარია, მუნიციპალიტეტის წარმომადგენლები არ ხვდებიან პრეზიდენტს, როცა ჩადის ადგილზე, არ ხვდებიან დიპლომატიური კორპუსის წარმომადგენლებს, როცა ისინიც ესწრებიან ამ ღონისძიებებს, რომლის მიზანი არის მხოლოდ ერთი ეს ევროპული გზა საქართველოსი. კიდევ უარესი, ბავშვებისთვის, სკოლის ბავშვების მიმართ მუქარა, რომ არ მიხვიდეთ, ეს ხომ საერთოდ არ მესმის და არც ის არ მესმის, რომ თბილისის სახელმწიფო უნივერსიტეტის რექტორი არ აძლევს უფლებას სტუდენტებს, რომ გაშალონ მაგიდები და ხელი მოაწერინონ ამ ძალიან მარტივ, თუ წაიკითხეთ განცხადება, ამაზე მარტივი და არაპოლიტიკური, იმ გაგებით, რომ არ არსებობს და ამაზე უარს ამბობს რექტორი, რომ შიგნით არ შეიძლება იმიტომ, რომ ეს არის ვითომ რაღაც პოლიტიკური ღონისძიება”, – თქვა ზურაბიშვილმა.
