ესკალატორის მწყობრიდან გამოსვლის შედეგად 20 ადამიანი დაშავდა. აღნიშნულ ინფორმაციას BBC ავრცელებს.
მაუწყებლის ინფორმაციით, შემთხვევა რომის ერთ-ერთ მეტროსადგურში მოხდა.
გავრცელებული ცნობით, დაშავებულების უმეტესი ნაწილი რუსეთის საფეხბურთო გუნდის ცსკა მოსკოვის გულშემატკივრები არიან. ისინი რომას და ცსკა მოსკოვს შორის საფეხბურთო მატჩის დაწყებამდე დაშავდნენ.
როგორც ადგილობრივი სატრანსპორტო ორგანიზაცია აცხადებს, ესკალატორების შემოწმება ყოველ თვე ხდება.
მომხდარზე გამოძიება მიმდინარეობს.
შეხვედრა რომასა და ცსკა მოსკოვს შორის 3:0 დასრულდა.
