ჩოხატაურში, ბოლო 1 კვირის განმავლობაში, კოვიდინფიცირების შემთხვევების მატება შეინიშნება. ამის შესახებ “გურია ნიუსს” ჩოხატაურის საზოგადოებრივი ჯანდაცვის ცენტრის ხელმძღვანელმა ნატო ჯიბუტმა განუცხადა.
ჯიბუტის ინფორმაციით, გასული 24 საათის განმავლობაში ინფიცირების 7 ახალი შემთხვევა დაფიქსირდა.
“ბოლო ერთი კვირის განმავლობაში ფიქსირდება ინფიცირების შემთხვევების მატება. გუშინ გვქონდა 7 ახალი შემთხვევა. ამ დროისთვის სულ აქტიურია 19 შემთხვევა, მათგან 1 კოვიდკლინიკაშია გადაუყვანილი”,_ ამბობს ჯიბუტი.
სულ ჩოხატაურში დაფიქსირებულია კოვიდინფიცირების 8146 შემთხვევა, მათ შორის გამოჯანმრთელებულია 8066 პაციენტი, გარდაცვლილია 68.
