ჩრდილოეთ კორეა აშშ-ს ემუქრება

ჩრდილოეთ კორეა ამერიკის შეერთებულ შტატებს  „ძლიერი შემდგომი ზომების მიღებით“  ემუქრება, თუ ის არ შეწყვეტს ერთობლივ სამხედრო წვრთნებს სამხრეთ კორეასთან.

ცნობისთვის, ვაშინგტონმა და სეულმა ორშაბათს დაიწყეს ერთ-ერთი ყველაზე დიდი კომბინირებული სამხედრო საჰაერო წვრთნები, რომელიც პარასკევს დასრულდება. ჩრდილოეთ კორეამ კი  გაუშვა რაკეტების სერია ბოლო კვირებში სხვადასხვა წვრთნების საპასუხოდ.

ეს მოჰყვა სადაზვერვო ანგარიშებს, რომლის მიხედვიტაც,  ფხენიანი ემზადება ბირთვული იარაღის პირველი გამოცდისთვის 2017 წლის შემდეგ.

„თუ აშშ მუდმივად განაგრძობს მძიმე სამხედრო პროვოკაციებს, მაშინ ჩრდილოეთ კორეა გაითვალისწინებს შემდგომ უფრო მძლავრ ზომებს“, – ნათქვამია ჩრდილოეთ კორეის საგარეო საქმეთა სამინისტროს განცხადებაში და აღნიშნულია, რომ  “თუ ვაშინგტონს არ სურს მოვლენების ისე განვითარება,  რომელიც არ შეესაბამება მის უსაფრთხოების ინტერესებს, ამ შემთხვევაში მან დაუყოვნებლივ უნდა შეწყვიტოს უსარგებლო და არაეფექტური საომარი წვრთნები. თუ არა, მას მოუწევს მთლიანად აიღოს ყველა შედეგის პასუხისმგებლობა.”