ოზურგეთში ე.წ. ჭადრების ბაღში ოზურგეთელების ნაწილმა გუშინ, პარლამენტის მიერ “უცხოური გავლენების აგენტების” შესახებ კანონპროექტის პირველი მოსმენით მიღება გააპროტესტა.
აქციის ერთ-ერთი ორგანიზატორის ირმა გორდელაძის თქმით, დღეს მთელი საქართველოს ქალაქებში მიმდინარეობს მშვიდობიანი აქცია.
“ჩვენ მზად ვართ ყველას, რომ ავუხსნათ, რა მდგომარეობაში ვართ. ჩვენ აუცილებლად გავალთ სოფლებში და გავესაუბრებით ადამიანებს, ავუხსნით, რატომ არის ეს კანონი რუსული. ჩვენ, ასევე, როგორც კი დაგვიძახებენ ჩავალთ თბილისში. ეს ბრძოლა ერთ ან ორ დღეში, არ დასრულდება, ეს ყველამ უნდა გავითავისოთ,“ – აღნიშნა სიტყვით გამოსვლის დროს ირმა გორდელაძემ.
ავტორი
