ელექტროენერგია, გზა, ამბულატორია, ბიბლიოთეკა _ ეს იმ პროექტების მცირე ჩამონათვალია, რომელიც ჩოხატაურის მუნიციპალიტეტის სოფელ ზემო სურებში ბოლო 4 წელიწადში გაკეთდა.
“საუკუნის ოცნების ახდენა” _ ასე აფასებენ სურების ხეობის მაცხოვრებლები გზის სარეაბილიტაციო სამუშაოებს, რომლის ღირებულება 2644444.00 ლარია და რომელიც ამჟამად მიმდინარებს.
ამ ოცნების ახდენაში დიდი წვლილი აქვს სურების ხეობის საინიციატივო ჯგუფს, რომელთა აქტიურობით, მონდომებით, საზოგადოების ჩართულობით და ხელისუფლების მხარდაჭერითა და დაფინანსებით, დღეს ზემო სურების ცენტრში 40 წუთში შეძლებთ ასვლას:
“არ გვეგონა თუ ეს მოხდებოდა. ყველა მთავრობა ამ გზის გაკეთებას გვპირდებოდა და ეს დაპირებები არჩევნებიდან არჩევნებამდე იყო. “ქართულმა ოცნებამ” კი ეს შეასრულა. მადლობა არ არის ის სიტყვა, რომელიც ამ საქმეს ეკუთვნის. შეიძლება ვიღაცამ თქვას, ევალებოდათ და გააკეთესო. 50 წელზე მეტია ეს მოვალეობა ჰქონდა ყველა მთავრობას, მაგრამ ამ დრომდე არავინ გააკეთა”,_ აღნიშნავენ სურებელები.
მათი თქმით, 4 წლის წინ სურების მაჟორიტარი დეპუტატის ოთარ სოროზანიშვილის დაპირებას, რომ გზა აუცილებლად გაკეთდებოდა სკეპტიკურად შეხვდნენ:
“ვიფიქრეთ, რომ მორიგი საარჩევნო დაპირება იქნებოდა. ზუსტად ისეთი, როგორითაც წლების განმავლობაში “გვკვებავდნენ”. თუმცა, როცა ბატონი ოთარი საინიციატივო ჯგუფის წევრი გახდა, ხალხის გვერდზე დადგა _ აქციებზე, შეხვედრებზე მხოლოდ და მხოლოდ ჩვენს ინტერესებს ატარებდა, იმედი გაჩნდა. ეს პირველი შემთხვევა იყო, როცა ხელისუფლების წარმომადგენელი დარსა თუ ავდარში, ქუჩაში თუ კაბინეტში ხალხთან ერთად დადიოდა და ჩვენი ყველაზე დიდი პრობლემის მოგვარებას ითხოვდა. ამ ყველაფერმა შედეგი გამოიღო და ახლა სურებში ასვლა არცერთი სახის ტრანსპორტს არ უჭირს”, _ ყვებიან სურებელები.
ზემო სურების მაჟორიტარი დეპუტატი ოთარ სოროზანიშვილი ამბობს, რომ სურების გზის რეაბილიტაციაში ძალიან ბევრ ადამიანს აქვს წვლილი შეტანილი:
“ეს არის შემთხვევა, როცა ხელისუფლებამ ხალხს მოუსმინა. მათი პრობლემები გაიზიარა და მოაგვარა. ამ საუკუნის პროექტში ძალიან ბევრი ადამიანის წვლილია. პირველ რიგში კი საინიციატივო ჯგუფის წევრების _ ზურა დარსალია, მაია ბარამიძე, ზურა ტრაპაიძე, ნინო სანიკიძე, ბაჩო ბერიშვილი, ზურა კიკვაძე, ანი დარსალია, ამირან დარსალია, რეზო ბარამიძე, თემურ რამიშვილი, გოჩა შათირიშვილი, გიორგი ტრაპაიძე, ხათუნა ბარამიძე, ნათია შათირიშვილი, ჯაბა სოროზანიშვილი, დავით ბარამიძე, სულიკო ბარამიძე _ ესენი არიან ის ადამიანები, რომლებმაც სრულიად უანგაროდ, ყველაფერი გააკეთეს ჩვენი ხეობისთვის. ჩვენი ოცნების ასრულებაში “ლომის წვლილი” აქვს ინფრასტრუქტურის ყოფილ მინისტრს ნოდარ ჯავახიშვილს, ჩოხატაურის მაჟორიტარმა დეპუტატს თემურ ჭკუასელს.
ყოველთვის ჩვენს გვერდით იდგა გურიის ყოფილია გუბერნატორი გია სალუქვაძე, ჩოხატაურის გამგებელი ირაკლი კუჭავა, საკრებულოს თავმჯდომარე ზაალ მამალაძე, ფრაქცია “ქართული ოცნების” თავმჯდომარე ზვიად მამალაძე. არ შეიძლება არ აღინიშნოს მედიის მხარდაჭერა. იმ ჟურნალისტების და რედაქტორების, რომლებიც ყველა ჩვენს აქტივობას აშუქებდნენ. საბედნიეროდ, სურებზე შეყვარებული ხალხის ჩამონათვალი ძალიან დიდია. შეიძლება ვინმე გამომრჩეს და ამიტომ ბოდიშს ვუხდი და მადლობას ვეუბნები ყველა იმ ადამიანს, რომლებმაც ამ საშვილიშვილო საქმეში თუნდაც ერთი კენჭი დადო, _ ამბობს ოთარ სოროზანიშვილი.
აღსანიშნავია, რომ ბუკისციხე-სურების გზის 6-კილომეტრიან მონაკვეთზე, რომლის რეაბილიტაცია ახლა მიმდინარეობს, ასფალტი დაიგება, რომლის პირობა უკვე დადო რეგიონული განვითარებისა და ინფრასტრუქტურის მინისტრმა ზურაბ ალავიძემ.
კიდევ ერთი მნიშვნელოვანი პროექტი რაც სურებში გახორციელდა ელექტროენერგიის აღდგენაა. სოფელს 18 წლის განმავლობაში არ მიეწოდებოდა დენი და ადგილობრივები ჰესის იმედად იყვნენ, რომელიც ხშირად ფუჭდებოდა.
სწორედ “ქართული ოცნების” ხელისუფლებაში ყოფნის დროს მოგვარდა ეს პრობლემა და ახლა სურებს 24 საათიანი უწყვეტი ელექტომამარაგება აქვს.
ხაზგასასმელია ისიც, რომ რამდენიმე წლიანი პაუზის შემდეგ, სოფლის მაჟორიტარი დეპუტატის ოთარ სოროზანიშვილის ინიციატივით და ეროვნული ბიბლიოთეკის დირექტორის გიორგი კეკელიძის მხარდაჭერით, ზემო სურებში ბიბლიოთეკა აღსდგა, რომელსაც ახალ წიგნებთან ერთად კომპიუტერებიც გადაეცა.
ახალი ინვენტარი მიიღო ამბულატორიამაც, რომლის სახურავი ცოტა ხნის წინ გამოიცვალა. ასევე, გადაიხურა ადმინისტრაციული შენობა.
ამ წლების განმავლობაში ზემოსურებში ჩოხატაურის მუნიციპალიტეტის ბიუჯეტიდან არაერთი პროექტი დაფინანსდა. დახმარება გაეწია ათეულობით ოჯახს:
ერთჯერადი ფულადი დახმარება 2014 წელს გაეწია 16 ოჯახს, 2015 წელს 14 ოჯახს, 2016 წელს 5 ოჯახს.
სამედიცინო მომსახურებისთვის საჭირო თანხით და მედიკამენტებით 2015 წელს 2 ოჯახი დაკმაყოფილდა; 2016 წელი 2 ოჯახი ; 2017 წელი – 6 ოჯახი .
ჩოხატაურის ბიუჯეტიდან მძიმე საცხოვრებელ პირობებში მყოფი ოჯახების დახმარების მუხლიდან 2015 წელს დახმარება გაეწია 2 ოჯახს და ჯამში ამ თანხამ 2800 ლარი შეადგინა; 2016 წელს ამავე მუხლიდან ორ ოჯახს გადაერიცხა 7000 ლარი. წელს ერთ ოჯახს გაეწია 350 ლარის დამხარება.
სტიქიით დაზარალებული 13 ოჯახისთვის 1160 მ 2 – ის თუნუქი იქნა შეძენილი.
რაც შეეხება ინფრასტრუქტურული პროექტებს.
2014 წელი
საპირფარეშოს მშენებლობა (ზემოსურები) – 1520 ლარი; წყლის ავზის მოწყობა (ზემოსურები) – 3153 ლარი; შიდა გზებისა და სანიაღვრე არხების მოწყობა (თავსურები) – 2547 ლარი; საცალფეხო ხიდის მოწყობა (თავსურები) – 2294 ლარი; წისქვილის შეკეთება (ტობახჩო) – 4877 ლარი; სანიაღვრე არხისა და გზის მოწყობა (შველაური) – 4637 ლარი; გზის შეკეთება სიპიღელეზე (ჩაკიტაური) – 2903 ლარი; ეზიეშვილების უბანში გზის რემონტი (ჩაკიტაური) – 1698 ლარი; წითელგორაში ხიდთან მისასვლელი გზის შეკეთება – 4613 ლარი; შიდა გზის რეაბილიტაცია (ჩაკიტაური) – 2412 ლარი; შიდა გზის რეაბილიტაცია (ჭალა-ქადაგოური) – 9013 ლარი; მიკროგესის გენერატორის შეკეთება – 885 ლარი;
2015 წელი
მოსაცდელის მშენებლობა (ზემოსურები) – 4939 ლარი; საყრდენი კედლის მოწყობა ეზიეშვილის სახლთან (ზემოსურები) – 6892 ლარი; ცინარიძის საცხოვრებელი სახლის სახურავის მოწყობა (ზემოსურები) -10216 ლარი; ადაგაურზე გადასასვლელი ხიდის რეაბილიტაცია (ზემოსურები) – 4667 ლარი; სარიტუალო დარბაზისთვის ინვენტარის შეძენა (თავსურები) – 4834 ლარი; გზის გაფართოება, სანიაღვრე არხებისა და მილხიდების მოწყობა (ტობახჩო) – 4870 ლარი; მიწის შვავის შემაკავებელი საყრდენი კედლის მოწყობა (შველაური) – 4631 ლარი; წისქვილის რეაბილიტაცია ( ჩაკიტაური) – 4020 ლარი; შიდა გზების შეკეთება (ჩაკიტაური) – 567 ლარი; ხიდის მშენებლობის დასრულება ( წითელგორა) – 4608 ლარი;
2016 წელი
საავტომობილო ხიდის დასრულება (ზემოსურები) მილხიდით – 4074 ლარი; გარე განათების მოწყობა (ზემოსურები) – 600 ლარი; შიდა გზების რეაბილიტაცია (თავსურები) – 2842 ლარი; ზემოსურების ცენტრიდან ჰესის მიმართულებით გზის რეაბილიტაცია – 2000 ლარი; შიდა გზების შეკეთება სანიაღვრე არხებით (ტობახჩო) – 1800 ლარი; საცალფეხო ხიდის შეკეთება (ტობახჩო) – 3078 ლარი; შიდა გზების შეკეთება (შველაური) – 1998 ლარი; მილხიდის შეძენა (შველაური) – 2000 ლარი; წყლის მილების შეძენა (შველაური) – 640 ლარი; ეზიეშვილების უბანში გზის შეკეთება (ჩაკიტაური) – 1950 ლარი; შიდა გზის შეკეთება (ჩაკიტაური) – 2332 ლარი; წყლის მილების შეძენა (ჩაკიტაური) – 320 ლარი; ხიდის შეკეთება წითელგორაში – 3014 ლარი; შიდა გზის შეკეთება (წითელგორა) – 1600 ლარი; მდ. სუფსაზე არსებული საავტომობილო ხიდის სარეგულაციო კედლის მოწყობა (წითელგორა) – 4000 ლარი;
“სოფელში კიდევ ბევრი რამ არის გასაკეთებელი. თავსურებში შიდა გზების პრობლემა გვაქვს მოსაგვარებელი და ამაზე მუშაობა უკვე დავიწყეთ. ასევე, გასაკეთებელია ამბულატორია, _ ამბობს ოთარ სოროზანიშვილი, რომელმაც აღნიშნული პრობლემები, გასულ კვირას ზემო გურიის გუბერნატორს მერაბ ჭანუყვაძეს და ჩოხატაურის მუნიციპალიტეტის გამგებელს ირაკლი კუჭავას ადგილზე გააცნო.
მერაბ ჭანუყვაძის თქმით, შენობა სადაც ამბულატორიაა განთავსებული, რემონტს არ ექვემდებარება და ამიტომ ხელისუფლება ალტერანტიულ გზებს გამოძებნის:
_ გპირდებით რომ ზემოსურებში მალე იქნება ახალი ამბულატორია. ჩვენ უკვე დავიწყეთ ამაზე მუშაობდა. ჩვენი ხელისუფლებისთვის პრიორიტეტი ხალხია და ყველა თქვენი მოთხოვნა იქნება გათვალისწინებული შესაძლებლობის ფარგლებში, _ უთხრა სოფლის ცენტრში შეკრებილ მოსახლეობას მერაბ ჭანუყვაძემ.
გურიის პირველმა პირმა სურებელებს ერთიანობისთვის მადლობა გადაუხადა:
_ სურები ის სოფელია, რომელსაც საქართველოს ისტორიაში მნიშვნელოვანი ფურცელი აქვს ჩაწერილი. ამ სოფელს არაერთი სახელოვანი ქართველი აღუზრდია და მინდა მადლობა გადაგიხადოთ თქვენ იმისთვის, რომ ტრადიციებს აგრძელებთ. მადლობა გითხრათ იმისთვის, რომ მიუხედავად იმ პრობლემებისა, რაც წლების განმავლობაში გქონდათ არ გიფიქრიათ სოფლის მიტოვებაზე. პირველად არ ვარ ამ სოფელში და ვიცი როგორი გზა იყო. ახლა ამაყად ამოვედი თქვენთან კარგად გაკეთებული გზით იმის სათქმელად, რომ ჩვენი ხელისუფლება დაპირებებს ყოველთვის ასრულებს და მომავალშიც შეასრულებს, _ მიმართა სურებლებს მერაბ ჭანუყვაძემ.
სურების მოსახლეობას მხარდაჭერა აღუთქვა ჩოხატაურის მერობის კანდიდატმა ირაკლი კუჭავამაც:
_ სურებში, ბოლო წლებში, განხორცილებული ინფრასტრუქტურული პროექტები, იძლევა იმის განცხადების საფუძველს, რომ მომდევნო ოთხი წელი, კიდევ უფრო წარმატებული იქნება. სოფელთან დამაკავშირებელი საავტომობილო გზის დასრულების შემდეგ, დაიწყება შიდა სასოფლო გზების მოწესრიგება თავსურებისა და ტობახჩოს მიმართულებით. უნიკალური ბუნება იძლევა ტურიზმის განვითარების საშუალებას. ეს კი დამატებითი შემოსავლებია სოფლის მცხოვრებთათვის. სურებს, ისე როგორც მთელ ხეობას განვითარების კარგი პერსპექტივა აქვს, _ აღნიშნა ირაკლი კუჭავამ.
